მონტენეგროს პროკურორი: რუსი ნაციონალისტები პრემიერ-მინისტრზე თავდასხმას გეგმავდნენ

2016-11-07 10:53:57, 2049 ნახვა

მსოფლიო

მონტენეგროს სპეციალური პროკურორი ილივოიე კატნიჩი, რომელიც საპარლამენტო არჩევნების ჩაშლის მცდელობას იძიებს, აცხადებს, რომ რუსი ნაციონალისტები ქვეყნის პრემიერ-მინისტრზე, მილო ჯუკანოვიჩზე თავდასხმას გეგმავდნენ, - ამის შესახებ BBC იუწყება.

კატნიჩის თქმით, ეჭვმიტანილების მიზანს მონტენეგროს ნატო-ში გაწევრიანების შეფერხება წარმოადგენდა. ამავე დროს, პროკურორი აცხადებს, რომ მას არ აქვს მტკიცებულებები, რომ თავდასხმის მცდლეობასთან რუსეთის ხელისუფლებას რამე სახის კავშირი აქვს.

ოქტომბრის შუა რიცხვებში, საყოველთაო არჩევნებამდე რამდენიმე დღით ადრე, მონტენეგროს პოლიციამ სერბეთის მოქალაქეების ჯგუფი დააკავა, რომლებიც, გამოძიების მტკიცებით, სახელმწიფო დაწესებულებებზე შეიარაღებული თავდასხმების განხორციელებას გეგმავდნენ.

მოსკოვის წინააღმდეგობის მიუხედავად, 2016 წლის მაისში მონტენეგროს ჩრდილოატლანტიკურ ალიანსში გაწევრიანების პროტოკოლს მოეწერა ხელი. ამჟამად ქვეყანას ნატო-ს სხდომებში დამკვირვებლის სტატუსით მონაწილეობის უფლება აქვს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან