სიღნაღის რაიონის სოფელ ბოდბისხევში მომხდარი მკვლელობის შესახებ დეტალები გახდა ცნობილი. როგორც „ექსპრესნიუსს“ ადგილობრივმა განუცხადა, 28 წლის მარი ბალიაშვილი თანასოფლელმა  გოგიტა გელაშვილმა იმ დროს მოკლა, როცა ის მართვის მოწმობის თეორიის კურსზე მიდიოდა. მკვლელობის შემდეგ კი, გოგიტა გელაშვილმა მეგობრის ეზოში თავი ჩამოიხრჩო.

გოგიტა გელაშვილს  მარი ბალიაშვილი წლების განმავლობაში უყვარდა, მისგან კი, უარს იღებდა. ბალიაშვილი  ქმარს გაშორებული იყო. მას 2 წლის  შვილი დარჩა.

„მარი ბალიაშვილი თანასოფლელმა გოგიტა გელაშვილმა მოკლა. გოგონა სოფელ ვაქირში  გათხოვილი და ქმარს გაშორებული იყო. დარჩა 2 წლის ბავშვი.“პრავის“ გაკვეთილზე მიდიოდა. იმ ბიჭს მანქანიდან დედა ჩამოუსვამს, გზაზე დახვედრია გოგოს და მოუკლავს.გასროლის ხმა არავის გაუგია, გოგონას ცხედარი შემთხვევით ნახეს. ალბათ, მაყუჩიანი იარაღით მოკლა. ამის შემდეგ ბიჭი მეგობართან წასულა  დახმარების სათხოვნელად. შეშინებია არ მიეგნოთ და თავი თოკზე ჩამოიხრჩო. არვიცი ვისთანაც მივიდა მეგობარი სახლში დახვდა თუ არა. გოგიტას მარი გათხოვებამდე და მის შემდეგაც უყვარდა და ის უარს ეუბნებოდა“,-განუცხადა „ექსპრესნიუსს“ ბოდბისხევში მაცხოვრებელმა.

მომხდართან დაკავაშირებით გამოძიება   სისხლის სამართლის კოდექსის  108-ე მუხლით დაიწყო, რაც განზრახ მკვლელობას გულისხმობს. მეორე შემთხვევაში კი, გამოძიება  სისხლის სამართლის კოდექსის 115-ე მუხლით მიმდინარეობს, რაც პირის  თვითმკვლელობამდე მიყვანას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები