განათლებისა და მეცნიერების მინისტრის ალექსანდრე ჯეჯელავას განცხადებით, სკოლის პროგრამიდან საზეპიროების სრულად  ამოღება არ იგეგმება.

კერძოდ, როგორც ჯეჯელავამ ჟურნალისტებს განუმარტა, ეცდებიან, სასწავლო პროგრამაში ნაკლები იყოს საზეპირო და მეტი  სააზროვნო, საპროექტო, კრიტიკული სასწავლო მასალა.

"ჩვენთან არსებობს ასეთი მოსაზრება, რომ თუ მინისტრმა რაღაც თქვა, ერთი კაცი წყვეტს და ყველაფერი შეიცვლება. საზეპიროებთან დაკავშირებით, ცვლილებები არ იგეგმება. ჩემი მოსაზრება, რომ დაზეპირებაზე ორიენტირებულიდან უნდა გადავიდეთ აზროვნებაზე ორიენტირებულზე, მნიშვნელოვანი ცვლილებაა. გამოითქვა ასევე მოსაზრება, რომ დაზეპირება თურმე ავითარებს ტვინს. ამის ავტორს ეტყობა ტვინი ერთი მონოლითური რაღაც ჰგონია. მას მინდა ვუთხრა, რომ ტვინში არის რამდენიმე მიმართულება, ზოგი პასუხისმგებელია დაზეპირებაზე, ზოგი - აზროვნებაზე. ძალიან გვინდა, რომ ჩვენი განათლების სისტემა პირველ რიგში, იმ ნაწილებს ავითარებდეს, რომელიც კრიტიკულ აზროვნებაზეა ორიენტირებული.”,-განაცხადა ჯეჯელავამ.

მისი თქმით, ეს პროცესი უკვე დაწყებულია.

 "თქვენ იცით, რომ სკოლებში საპროექტო სამუშაო გაჩნდა, რომელიც ადრე სულ არ იყო. დავალებას იღებენ მოსწავლეები, რომ ნებისმიერ თემაზე საკუთარი მოსაზრება გამოთქვან და თავად მოიძიონ ინფორმაცია. ეს ორი მიდგომა რომ "შენი მოსაზრება გამოთქვი" და "აგერ წიგნში წერია და დაიზეპირე", არის სრულიად საპირისპირო. ვეცდებით, რომ საზეპიროები არ გავაქროთ, მაგრამ ნაკლები იყოს და მეტი იყოს სააზროვნო, საპროექტო, კრიტიკული სასწავლო მასალა სკოლის პროგრამებში", - განაცხადა ჯეჯელავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს