პრეზიდენტს მიაჩნია, რომ მოსამართლეთა დანიშვნა, ან არდანიშვნა უნდა ხდებოდეს დასაბუთებულად და კანდიდატებს უნდა ჰქონდეთ საბჭოს გადაწყვეტილების გასაჩივრების შესაძლებლობა, - ამის შესახებ  პრეზიდენტის პრესსპიკერმა ეკა მიშველაძემ დღეს გამართულ პრესკონფერენციაზე განაცხადა.

„გვინდა გამოვეხმაუროთ გასულ კვირას იუსტიციის საბჭოს მიერ  საერთო სასამართლოების მოსამართლეთა უვადო დანიშვნას; პრეზიდენტის აზრით, სასამრთლოს დამოუკიდებლობის ფუნდამენტი ინდივიდუალური მოსამართლეა, რომელიც მიუხედავად გარე ფაქტორებისა, არ დაემორჩილება არანაირ ზეწოლას და მიიღებს დამოუკიდებელ გადაწყვეტილებას“, - აღნიშნა პრეზიდენტის პრესსპიკერმა.

მიშველაძის თქმით, პრეზიდენტს მიაჩნია, რომ მაშინ, როდესაც, სასამრთლო სისტემის მიმართ საზოგადოებაში არსებობს გარკვეული უნდობლობა, მოსამართლეთა დანიშვნის პროცესი, განასაკუთრებით, მაშინ, როდესაც საქმე უვადოდ დანიშვნას ეხება, უნდა წარიმართოს მაქსიმალურად გაჭვირვალედ და საზოგადებისთვის ღია და საჯარო უნდა იყოს;

„განსაკუთრებით საყურადღებოა, თუ როგორი პროცედრურებითა და რა  კრიტერიუმებით მოხდა და მოხდება  ახალი მოსამართლეების შერჩევა.  პრეზიდენტს მიაჩნია, რომ მოსამართლეთა დანიშვნა, ან არდანიშვნა უნდა ხდებოდეს დასაბუთებულად და კანდიდატებს უნდა ჰქონდეთ საბჭოს გადაწყვეტილების გასაჩივრების შესაძლებლობა“, - განაცხადა ეკა მიშველაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მიხეილ სააკაშვილი: განცხადებები გილაურთან ნაციონალური მოძრაობის მოლაპარაკებების შესახებ ტყუილია

ერთიანი ეროვნული გამოცდების დროს თბილისში ავტობუსების დამატებითი მარშრუტები დაინიშნება

თეთრმა სახლმა განაცხადა, რომ აშშ-სა და ირანს შორის ტექნიკური მოლაპარაკებები მიმდინარეობს

უკრაინამ Rheinmetall-ისგან 155 მმ-იანი საარტილერიო ჭურვები შეუკვეთა