საკონსტიტუციო სასამართლოს თავმჯდომარეობის ერთ-ერთ კანდიდატად ირინე იმერლიშვილი დასახელდა, - ამის შესახებ ახლადარჩეულმა მოსამართლემ გიორგი კვერენჩხილაძემ ჟურნალისტებს განუცხადა.

როგორც კვერენჩხილაძემ აღნიშნა, იმერლიშვილის კანდიდატურა თვითონ წარადგინა.

"პირად მე დავაყენე ქალბატონი ირინა იმერლიშვილის კანდიდატურა, სხვა მოსამართლეების ნაცვლად, ვერ გიპასუხებთ. გეტყვით იმას, რაც მეხება მე, სხვა კანდიდატურებზე ვერ გეტყვით", - განაცხადა გიორგი კვერენჩხილაძემ.

ირინე იმერლიშვილმა შენობა კომენტარის გარეშე დატოვა.

მოსამართლე ლალი ფაფიაშვილის განცხადებით, დასახელდა სხვა კანდიდატურაც, თუმცა ვინ, არ დააკონკრეტა.

"ეს საჯარო ინფორმაციაა და პრესსსამსახური გაავრცელებს ინფორმაციას", - განაცხადა ფაფიაშვილმა.

ცნობისთვის, თავმჯდომარის კანდიდატურის განხილვა საკონსტიტუციო სასამართლოში 20 ოქტომბერს გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო