რასაც საზოგადოება 2012 წელს ელოდებოდა ახლა მიიღებს, - ამის შესახებ საქართველოს ყოფილმა პრემიერ-მინისტრმა, ბიძინა ივანიშვილმა რეგიონულ მედიასთან დასკვნით შეხვედრაზე განაცხადა.

როგორც ყოფილმა პრემიერმა აღნიშნა, "ნაციონალური მოძრაობა" დაიჭერს იმ ადგილს, რასაც იმსახურებს.

"ნაციონალური მოძრაობის" მომავალი ადგილი იქნება სწორედ იქ, სადაც ეკუთვნით. საერთოდ, რაც გაკეთდა ამ ოთხი წლის განმავლობაში ყველაფერი თავდაყირა იყო დაყენებული. მთელი საქართველო ციხედ იყო გადაქცეული. ამ ოთხი წლის განმავლობაში, რაც გაკეთდა ყველაზე მნიშვნელოვანი, ყველაფერს საკუთარი სახელი დაერქვა. "ქართულ ოცნებას" ექნება ადგილი, რასაც საზოგადოება მიაკუთვნებს. "ნაციონალური მოძრაობა" დაიჭერს იმ ადგილს, რასაც იმსახურებს. ის სახელი დაერქმევა, რასაც იმსახურებს. არავითარი მნიშვნელობა არ აქვს ეყოლება 5,10 თუ 15 დეპუტატი, რომლებიც იქნებიან ცუციკებივით, როგორც უნდა იყვნენ ისე იქნებიან. არავითარი რესურსი აღარ აქვთ მათ იმ ძალადობის რასაც ისინი ახერხებდნენ ამ აი ასე იქნებიან საკუთარ ადგილზე.  გარწმუნებთ, რომ ეს ბობოქრობა და ანტაგონიზმი დასრულდება. არ ვიცი, რამდენი დარჩათ იმ ნაძარცვიდან, მაგრამ ვეღარ იპარავენ ახალს, ესაა მთავარი. შესაბამისად ეს რესურსიც დაუკნინდათ. საზოგადოებამ ისინი კარგად გაიცნო. შესაბამისად, საზოგადოებას ვპირდები, რომ ისინი საჩუქარს ახლა მიიღებენ, რასაც ელოდებოდნენ 4 წელი.  თავში ეს რომ მეთქვა, რომ 4 წელი დასჭირდებოდა ვერ გამიგებდნენ, მაგრამ ეს ძალიან კარგად ჩანდა. რასაც ელოდნენ 2012 წელს მიიღებენ ახლა. რასაც ელოდნენ, რომ "ნაცებს" ექნებათ თავისი ადგილი და ვეღარ "იბლატავებენ", - განაცხადა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს