პარტიულ არჩევნებში, სადაც პარტიული სიაა, ვფიქრობ 48%-დან 54%-მდე დიაპაზონში „ქართული ოცნება" მიიღებს“, - ამის შესახებ საქართველოს ყოფილმა პრემიერ-მინისტრმა, ბიძინა ივანიშვილმა რეგიონული მედიის დასკვნით შეხვედრაზე განაცხადა.

როგორც ივანიშვილმა აღნიშნა, პარტია "ქართული ოცნება" დომინანტია და დიდი უპირატესობით უგებს ახლოს მიმდევრებს.

"პარტიულ არჩევნებში, სადაც პარტიული სიაა, როგორც თქვენ იცით, ვფიქრობ 48%-დან 54%-მდე დიაპაზონში „ქართული ოცნება" მიიღებს. ამ დიაპაზონს ვასახელებ, ასე წარმომიდგენია. ასევე, მაჟორიტარულ არჩევნებში, მინიმუმ 60, მაქსიმუმ 70 მაჟორიტარი უნდა გაიყვანოს. ვიღაცები ახერხებენ კრიტიკულ გამონათქვამებს, რომ მაჟორიტარების ხარჯზე უნდათ. პარტია არის დომინანტი, დიდი უპირატესობით უგებს ახლოს მიმდევარს",- განაცხადა ექს-პრემიერმა.

ივანიშვილი მიიჩნევს, რომ "ნაციონალური მოძრაობის" ვერც ერთი მაჟორიტარობის კანდიდატი არჩევნებს ვერ მოიგებს.

"ჩემი აზრით, მეორე ადგილზე მკვეთრად იკვეთებოდა "ნაციონალური მოძრაობა". საშუალო რაოდენობა მათი არის 10 დეპუტატი პარტიული სიიდან. მაჟორიტარს ვერსად მოიგებს "ნაციონალური მოძრაობა" და გასაგებია, ძალიან მარტივია, მათ შორის, ვერც ზუგდიდში მოიგებს ის ქალბატონი. ვერსად ვერ მოიგებს, ეს არის ორჯერ ორი ოთხი. პარტიული სიიდან მათი საშუალო შედეგი იყო 10 კაცი, მინიმუმი 5, მაქსიმუმ 15.

ბოლო ორი კვირის აგონიაში მყოფების შეცდომებს თუ გავითვალისწინებთ, რაც მათ გააკეთეს, ჩემი აზრით, გაჩნდა დიდი შანსი, რომ მეორე ადგილზე "თავისუფალი დემოკრატები" გავიდნენ",- განაცხადა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს