"ეს კვლევა ბევრად სინდისიერი და ნამუსიანი კვლევაა", - ასე შეაფასა "ლეიბორისტული" პარტიის ლიდერმა, შალვა ნათელაშვილმა "რუსთავი 2"-ის ეთერში GFK-ს მიერ ჩატარებული კვლევა.

ნათელაშვილმა სხვა ტელეკომპანიების დაკვეთით ჩატარებული კვლევები მწვავედ გააკრიტიკა და აღნიშნა, რომ "ლეიბორისტული" პარტიის რეალური რეიტინგი გაცილებით დიდია, ვიდრე ამას კვლევები აჩვენებს:

„ეს მაჩვენებელი - 5,9% შეგიძლიათ, გადაამრავლოთ 5-6-ზე, მაგდენია ჩვენი რეიტინგი. თუმცა, არ ვაპირებ ამაზე დავას. ეს კვლევა ბევრად სინდისიერი და ნამუსიანია, ვიდრე ის, რომელიც ჩაატარა ბიძინა ივანიშვილმა და გამოაცხადა იმედსა და მაესტროზე, აბდაუბდა და პრაქტიკულად სამოქალაქო ომის რეიტინგები გამოაცხადეს და მერე კიდე ვიღაცებზე ამბობენ, რომ იქ კარავს დადგამსო, რევოლუციასა და გადატრიალებას მოაწყობსო. აი, ეს სისულელე, რაც მაგათ გამოაქვეყნეს რუსეთის უშიშროების სამსახურის ორგანიზაციათა ეგიდით და ეს ორგანიზაცია იყო სწორედ ის სტრუქტურა, რომელმაც ყირიმის რუსეთთან შეერთების ეგზიტპოლები გააკეთა და კანონიერად სცნო ეს. ვისთან აქვს ივანიშვილს საქმე, ვის ჭკუაზე დადის და რა სიურპრიზს უმზადებს ქვეყანას. ეს არის სამოქალაქო კონფრონტაციის გაჩაღების რეიტინგი,“ - განაცხადა შალვა ნათელაშვილმა.

"ლეიბორისტული" პარტიის ლიდერმა "ქართულ ოცნებას" ჩემოდნების ჩალაგებისკენ მოუწოდა.

„ჩემი მეგობრული რჩევა ოცნებისადმი, დაიწყეთ ჩემოდნების ჩალაგება და 8-ში დაგვემშვიდობეთ მეგობრებო, ეს იქნება თქვენი უკანასკნელი მისია ქართველი ერის წინაშე,“ - განაცხადა შალვა ნათელაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს