ISIS თურქეთში გერმანიისა და დიდი ბრიტანეთის საელჩოებზე სავარაუდოდ თავდასხმებს გეგმავდა

2016-09-16 12:35:48, 1965 ნახვა

მსოფლიო

თურქეთში “ისლამურ სახელმწიფოსთან” კავშირში ეჭვმიტანლი 4 პირი დააკავეს, - ამის შესახებ თურქული ინტერნეტ-გამოცემა Haberler-ი იუწყება.

როგორც მედია საშუალება წერს, დაკავებულები სავარაუდოდ თურქეთში გერმანიისა და დიდი ბრიტანეთის საელჩოებთან ტერაქტებს გეგმავდნენ.

მედიის ცნობით, 3 ეჭვმიტანილი ანკარაში დააკავეს, ერთი კი სტამბოლში.

თურქეთის პოლიციის ინფორმაციით, “ისლამური სახელმწიფო” გერმანიისა და დიდი ბრიტანეთის დიპლომატიურ წარმომადგენლობებთან თავდასხმებს 13-17 სექტემბერს გეგმავდა. აღნიშნული გამო საელჩოებმა მოქალაქეების მიღება დროებით შეზღუდეს, მიმდებარე ტერიტორიაზე კი უსაფრთხოების ზომები გამკაცრდა

გამოცემა The Guardian-ის ცნობით, 16 სექტემბერს უსაფრთხოების მიზნით ანკარაში მდებარე დიდი ბრიტანეთის საელჩო დახურული იქნება. მანამდე თურქეთში მდებარე საელჩო, სკაონსულო და სკოლა გერმანიამ დახურა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან