2016-09-14 14:24:46, 1374 ნახვა

---

პერსონალურ მონაცემთა დაცვის ინსპექტორი: მოვუწოდებთ ბურჭულაძეს და გვარამიას, მოგვაწოდონ ინფორმაცია კომუნიკაციის ავთენტურობის შესახებ

პერსონალურ მონაცემთა დაცვის ინსპექტორი მოუწოდებს საგამოძიებო ორგანოებს დაუყოვნებლივ დაიწყონ გამოძიება ინტერნეტში გავრცელებული აუდიოჩანაწერის მოპოვებისა და  გავრცელების კანონიერებასთან დაკავშირებით.

ამის შესახებ პერსონალურ მონაცემთა დაცვის ინსპექტორის განცხადებაშია აღნიშნული.

როგორც განცხადებაშია აღნიშნული, სახელმწიფო ვალდებულია აღნიშნულ ფაქტზე მყისიერი რეაგირება მოახდინოს.

„საქართველოს კონსტიტუცია და მოქმედი კანონმდებლობა ქმნის ყოველი ადამიანის პირადი ცხოვრების,  სატელეფონო და სხვასახის ტექნიკური საშუალებით საუბრის დაცვის გარანტიებს და უფლების ხელყოფის შემთხვევაში, სახელმწიფო ვალდებულია მოახდინოს მყისიერი და ეფექტიანი რეაგირება, განსაკუთრებით, როცა საქმე ეხება წინასაარჩევნო პერიოდს, საარჩევნო სუბიექტს და მედია საშუალებას.

თავის მხრივ, ინსპექტორი მზად არის კომპეტენციის ფარგლებში მოახდინოს რეაგირება აღნიშნულ ფაქტზე და ამისთვის მოუწოდებს პაატა ბურჭულაძესა და ნიკა გვარამიას მოგვაწოდონ ინფორმაცია კომუნიკაციის ავთენტურობისა და გამოყენებული არხების შესახებ“,-აღნიშნულია განცხადებაში.

ცნობისთვის, ინეტრნეტში გავცელდა ვიოდეოჩანაწერი, სადაც „რუსთავი 2“-ის გენერალური დირექტორი ნიკა გვარამია „სახელმწიფო ხალხისთვის“   ლიდერს პაატა ბურჭულაძეს ესაუბრება.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი