ხელვაჩაურის მუნიციპალიტეტის სოფლებში გაწმენდითი სამუშაოები დღეს დილიდანვე ერთდროულად 9 ლოკაციაზე მიმდინარეობს. ამ წუთებში ხელვაჩაურის მუნიციპალიტეტის გამგებელი ნადიმ ვარშანიძე ადგილზე ეცნობა მიწის მასისგან გაწმენდით სამუშაოებს სოფელ თხილნარში, ერგეში და ახალსოფელში.

4 სექტემბრის ღამით მოსულმა უხვმა ნალექმა მეწყრული მოვლენები გამოიწვია ამდენიმე სოფელში. ახალსოფელსა და თხილნარში ჩახერგილია ცენტრალური გზები, გარე სამყაროსაა მოწყვეტილი 12 ოჯახი. დატბორილია სოფელ ახალსოფლის ცენტრი.

სოფელ ახალსოფლის და ავგიის დამაკავშირებელ გზაზე მოსახლეობის საკარმიდამო ნაკვეთებთან ჩამოწვა და ზოგან განმეორდა მეწყერი. მსგავსი მდგომარეობაა სოფელ სარფში კალენდერეს გზაზე.

მთელი ღამის განმავლობაში შპს „ბათუმის წყლის" მობილურმა ჯგუფებმა გუშინ მოსული უხვი ნალექით გამოწვეული პრობლემების აღმოსაფხვრელად გაწმენდითი სამუშაოები განახორციელეს. ჩამოწოლილი მეწყრის პირველადი დასუფთავებითი სამუშაოები გუშინვე განხორციელდა, ხოლო დღეს დამეწყრილი ტერიტორიის კაპიტალურად გაწმენდა მიმდინარეობს.

ბოლო დღეების განმავლობაში სპეცტექნიკის მეშვეობით გონიოში, კერძოდ, მუსხელიშვლის, ავგიის, აფსაროსის, სვიმონ კანანელის ქუჩებსა და იოანე ლაზის I შესახევევში ღია სანიაღვრე არხები გაიწმინდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს