„მოსახლეობა ყველაფერს  სწორად ხედავს. ხედავს იმას, რომ ქვეყანა გაღარიბებულია“ -ასე გამოეხმაურა ერთიანი ნაციონალური მოძრაობის წარმომადგენელი რომან გოცირიძე ბიძინა ივანიშვილის დღევანდელ გამოსვლას.

როგორც გოცირიძემ განაცხადა, "გუშინ გამოქვეყნებულმა სტატისტიკამ გვიჩვენა, რომ წელს, ეკონომიკა მხოლოდ 2,7%-ით გაიზარდა, რაც ნიშნავს, რომ ქვეყანა უკან მიდის, უმუშევრობა და სიღარიბე კი იზრდება".
​
„ჩვენ დღეს მოვისმინეთ, რომ თურმე ქვეყნის ეკონომიკა  აყვავებულია და უბრალოდ საზოგადოება ვერ ხედავს ამას. სწორედ ამიტომ, თურმე ივანიშვილმა რაიონებში უნდა იაროს და მოსახლეობას ანალიზი ასწავლოს.

რეალობა კი აბსოლუტურად განსხვავებულია -გუშინ გამოქვეყნებულმა სტატისტიკამ გვიჩვენა, რომ წელს, ეკონომიკა მხოლოდ 2,7%-ით გაიზარდა, რაც ნიშნავს, რომ ქვეყანა უკან მიდის, უმუშევრობა და სიღარიბე კი იზრდება. 

ასევე, ივანიშვილმა აღნიშნა, რომ საქართველოში ათასი საწარმო აშენდა და გარემონტდა. სინამდვილეში კი, არცერთი სერიოზული და ღირებული პროექტი არ განხორციელებულა. თუ რაიმე გაიხსნა, ყველაფერი წინა მთავრობის პერიოდში იყო დაწყებული.  დღეის მდგომარეობით ყველაფერი უარესობისკენ წავიდა - ქვეყანა გაღარიბდა,  ფასებმა იმატა, ლარი გაუფასურდა. ამ გაჭირვებული ქვეყნის ამოქმედება 8 ოქტომბერს მოხდება, როდესაც ჩვენ ჩვენი პროგრამით  ახალ სიცოცხლეს მივცემთ საქართველოს“ - განაცხადა რომან გოცირიძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა

დროა: როდესაც ხოშტარია არ არის გადაყვანილი სამოქალაქო კლინიკაში, ეს სადამსჯელო ოპერაციაა

სააკაშვილი: ზურაბიშვილი საქართველოს ისტორიაში ყველაზე ცუდი საგარეო საქმეთა მინისტრი იყო