იაპონიაში წყალდიდობის შედეგად დატბორილ მოხუცებულთა თავშესაფარში 9 ადამიანი დაიღუპა

2016-08-31 16:27:01, 1946 ნახვა

მსოფლიო

იაპონიაში, ივატეს პრეფექტურაში ტაიფუნ “ლაინროკის” მიერ გამოწვეული წყალდიდობის შედეგად მოხუცებულთა თავშესაფარში 9 ადამიანი დაიღუპა, - ამის შესახებ BBC იუწყება.

როგორც ადგილობრივი მედეა წერს, დატბორილი შენობა მდინარის პირას მდებარეობს, თუმცა წყალდიდობის გამო ხელმძღვანელობას თავშესაფრიდან ხალხი არ გაუყვანია.

ტაიფუნი “ლაინროკი” იაპონიის ჩრდილოეთ ნაწილში მდებარე პრეფექტურებს დაატყდა თავს. გავრცელებული ცნობით, სულ სტიქიას 11 ადამიანი ემსხვერპლა.

ადგილობრივი ხელისუფლება 400 ათასს იაპონელს მოსალოდნელი მეწყერისა და წყალდიდობის გამო სახლების დატოვებისკენ მოუწოდებს.

ძლიერი წვიმისა და ქარის გამო ზოგიერთ რაიონში შეწყვეტილია სარკინიგზო მიმოსვლა, გაუქმდა რამდენიმე ავიარეისი.

ამჟამად ტაიფუნი “ლაინროკის” სიმძლავრე ტროპიკული შტორმის დონემდე შემცირდა. ციკლონი რუსეთის ტერიტორიას მიუახლოვდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან