"ივანიშვილი და ნარმანია პრობლემების მოგვარების ნაცვლად ხალხს ატყუებენ" - ამის შესახებ "ერთიანი ნაციონალური მოძრაობის" ვაკის მაჟორიტარობის კანდიდატმა ელენე ხოშტარიამ ჟურნალისტებს განუცხადეს.

მისი განცხადებით, მერი, რომელიც შეურაცხყოფას აყენებს მოსახლეობას, ის აღარ უნდა წარმოადგენდეს ქალაქს.

"მერი, რომელიც კი არ აგვარებს, არამედ პრობლემებს ქმნის, მერი რომელიც მოსახლეობას ატყუებს და რომელიც ხალხმა აირჩია, მოსახლეობას შეურაცხყოფას აყენებს. ის აღარ უნდა წარმოადგენდეს ქალაქს და გამორიცხულია რომ ნარმანიამ საკუთარი საქმიანობა გააგრძელოს. ეს ქალაქისთვის დამღუპველი იქნება და სწორედ ეს არის მთავარი. აქ ერთ კონკრეტულ შემთხვევაზე არ არის საუბარი, როდესაც ნარმანიამ მოშიმშილეებს მიაყენა შეურაცხყოფა არამედ ზოგადად მერს არ უნდა ჰქონდეს ასეთი დამოკიდებულება მოსახლეობის მიმართ. ნარმანიას არც ერთხელ არც ერთ კითხვაზე პასუხი არ გაუცია. მთავარი პრობლემა არა გამწვანების და ეკოლოგიის სამსახური, არამედ ნარმანიას და ივანიშვილის მიერ შექმნილი სისტემაა. ეს ადამიანები პრობლემების მოგვარების ნაცვლად ხალხს ატყუებენ", - განაცხადა ხოშტარიამ.

ცნობისთვის, მერის გადადგომის მოთხოვნით თავისუფლების მოედანზე მესამე სექტორი შეიკრიბა. აქცია თბილისის საკრებულოსთან მიმდინარეობს. ისინი თბილისის მერიისა და დავით ნარმანიას მუშაობას აპროტესტებენ და მის გადადგომას მოითხოვენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ

ყირიმში მასშტაბური ტყის ხანძარი გაჩნდა