თურქეთის პოლიციის განყოფილებასთან ძლიერი აფეთქება მოხდა

2016-08-26 10:10:40, 1777 ნახვა

მსოფლიო

თურქეთის პოლიციის განყოფილებასთან ძლიერი აფეთქება მოხდა - გარდაცვლილია 9 ადამიანი

თურქეთის სამხრეთ-აღმოსავლეთ ნაწილში, ქალაქ ჯიზრეში, პოლიციის განყოფლებასთან ძლიერი აფეთქება მოხდა, - ამის შესახებ სააგენტო Reuters-ი იუწყება.

მედია საშუალების ცნობით, ინციდენტს მსხვერპლი მოჰყვა, არიან დაშავებულებიც.

წინასწარი ინფორმაციით, დაღუპულია სულ მცირე 9 ადამიანი, მათ შორის 1 ოფიცერი, 25-ზე მეტი ადამიანი კი დაშავებულია. ადგილზე სასწრაფო დახმარების ავტომანქანებია მობილიზებული.

ინტერნეტში გავრცელებულ ფოტოებში ჩანს, რომ პოლიციის განყოფილების შენობის დიდი ნაწილი დანგრეულია. ადგილობრივი მედიის ინფორმაციით, აფეთქდა დანაღმული ავტომობილი.

მთავრობა, აფეთქებაში "ქურთისტანის მუშათა პარტიას" ადანაშაულებს.

ცნობისთვის, ჯიზრე ძირითადად ქურთებით არის დასახლებული. 2015 წელს ქალაქში თურქეთის უსაფრთხოების ძალებმა ქურთი ამბოხებულების წინააღმდეგ მასშტაბური ოპერაცია ჩაატარეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან