„გამომდინარე იქიდან, რომ თბილისი ძალის გამოუყენებლობის ხელშეკრულების ხელის მოწერაზე ჯიუტად უარს აცხადებს, აფხაზეთის  დაცვის მიზნით, რუსეთმა აფხაზეთი-საქართველოს ე.წ საზღვარზე ჯარები განათავსა“,-ამის შესახებ განცხადება რუსეთის საგარეო საქმეთა სამინისტროს ოფიციალურ გვერდზეა გამოქვეყნებული.
განცხადების მიხედვით, ორ ქვეყანას შორის გაფორმებული მოკავშირეობისა და ინტეგრაციის“ შესახებ ე.წ ხელშეკრულების მიხედვით, რუსეთი ვალდებულია აფხაზეთი  საქართველოსგან დაიცვას. 
გარდა ამისა, უწყების ინფორმაციით, რუსეთის ფედერაციის საგარეო საქმეთა მინისტრის სერგეი ლავროვის  მოწვევით,  10-12  მარტს რუსეთს სამუშაო ვიზიტით აფხაზეთის დე-ფაქტო საგარეო საქმეთა მინისტრი ვიაჩესლავ ჩირიკბა ეწვევა. 
როგორც ცნობილია, 11 მარტს დაგეგმილ შეხვედრაზე მხარეები რუსეთ-აფხაზეთს შორის მეგობრული ურთიერთობების გაღრმავების საკითხს განიხილავენ. 
საგარეო უწყების განცხადებაში, ასევე ხაზგასმულია, რომ  რუსეთი აფხაზეთს მაშტაბურ დახმარებას უწევს. ის აფხაზეთში  2015-2017 წლებში  სოციალური და ეკონომიკური  მდგომარეობის გასაუმჯობესებლად საივესტიციო პროექტებს განახორციელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა