სამტრედიაში პოლიციის შენობასთან მიმდინარე აქციაზე 2 დაპირისპირება მოხდა

2016-08-20 18:57:56, 818 ნახვა

საზოგადოება

სამტრედიაში, პოლიციის განყოფილებასთან არასამთავრობო სექტორის წარმომადგენლების აქციაზე მცირე დაპირისპირება მოხდა.

აქციაზე, სადაც სამტრედიაში 22 წლის დემურ სტურუას თვითმკვლელობის ფაქტის დაუყოვნებლივ გამოძიებას ითხოვენ, პოლიტიკური გაერთიანება "გირჩის" წევრები მივიდნენ.

აქციის მონაწილეებმა მათ ტერიტორიის დატოვება მოსთხოვეს და აღნიშნეს, რომ ძალადობრივი სისიტემა სწორედ მათი მმართველობის დროს ჩამოყალიბდა.

პოლიციის შენობასთან იმყოფებიან გარდაცვლილის ოჯახის წევრებიც. როგორც გარდაცვლილის დედამ ჟურნალისტებთან საუბრისას აღნიშნა, ისინი თვითმკვლელობაში დამნაშვე პოლიციელის უკმაცრესად დასჯას ითხოვენ.

ამასთან, კიდევ ერთი დაპირისპირება აქციის მონაწილეებსა და სამართალდამცველებს შორის მოხდა. აქციის მონაწილეებმა პოლიცის მანქანებისთვის საღებავების შესხმა სცადეს, რასაც პოლიციის მხრიდან წინააღმდეგობა მოჰყვა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან