ჯეჯელავა: შესაძლოა, მოსწავლეებს სკოლაში წიგნების ტარება აღარ დასჭირდეთ

2016-08-20 15:09:54, 713 ნახვა

საზოგადოება

განათლების მინისტრის ალექსანდრე ჯეჯელავას განცხადებით, ელექტრონული წიგნების შემოღების შემთხვევაში, მოსწვალეებს არჩევანი ექნებათ, ატარონ თუ არა წიგნები სკოლაში.

როგორც ჯეჯელავამ განმარტა, სამინისტრო ელექტრონული წიგნების კონცეფციაზე სხვადასხვა კომპანიებთან უკვე მუშაობს.

"ვმუშაობთ microsoft-თან და სხვა ტექნოლოგიურ კომპანიებთან, რომ ელექტრონული წინგების კონცეფცია მოვსინჯოთ. რა თქმა უნდა, ეს იქნება არჩევითი და ყველა ოჯახი თვითონ გადაწყვეტს, ელექტრონული წიგნებით უნდა თუ არა, მისმა შვილმა ისარგებლოს. ვფიქრობ, 21-ე საუკუნეში, აუცილებელად, ორივე ალტერნატივა უნდა შევთავაზოთ მოსწავლეს. ბევრ ქვეყანაში, მშობლები წყვეტენ, რომ სახლში აქვს ბავშვს ქაღალდის წიგნები, მაგრამ სკოლაში არ დაატარებს ამ წიგნებს და აქვს კომპიუტერი ან ტაბლეტი, ან რაიმე საკითხავი მოწყობილება",- განაცხადა ჯეჯელავამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან