ISIS-ის წევრები მანბიჯიდან გაქცევის დროს მოსახლეობას „ცოცხალ ფარად“ იყენებდნენ

2016-08-19 17:33:59, 2090 ნახვა

მსოფლიო

დაჯგუფება „ისლამური სახელმწიფოს“ წევრები, სირიის ქალაქ მანბიჯიდან გაქცევის დროს მშვიდობიან მოსახლეობას „ცოცხალ ფარად“ იყენებდნენ, - ამის შესახებ BBC იუწყება.

როგორც მედია საშუალება წერს, სირიის დემოკრატიულმა ძალებმა ფოტოსურათები გაავრცელეს, სადაც ჩანს, რომ ისლამისტების ავტომობილებში უამრავი სამოქალაქო პირი იმყოფება.

მედიის ცნობით, ასობით ავტომობილისგან შემდგარი ავტოკოლონა სავარაუდოდ, თურქეთის საზღვრისკენ მიემართებოდა.

სირიის დემოკრატიულმა ძალებმა ქალაქი მანბიჯი, რომელიც თურქეთის საზღვრის სიახლოვეს მდებარეობს, „ისლამური სახელმწიფოსგან“ მიმდინარე თვეს გაათავისუფლეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან