უკრაინამ, შესაძლოა, სამხედრო მდგომარეობა გამოაცხადოს

2016-08-18 19:33:42, 2119 ნახვა

მსოფლიო

უკრაინაში სამხედრო მდგომარეობა და მობილიზაცია გამოცხადდება, თუ ქვეყნის სამხრეთ-აღმოსავლეთ ნაწილში ვითარება გამწვავდება. ამის შესახებ უკრაინის პრეზიდენტმა პეტრო პოროშენკომ ლვოვის ოლქში ვიზიტისას განაცხადა.

“ესკალაციის გაგრძელების შემთხვევაში, იძულებულები ვიქნებით სამხედრო მდგომარეობა დავაწესოთ და მობილიზაცია გამოვაცხადოთ”, - განაცხადა პოროშენკომ ქალაქ ბროდიში დონბასში გარდაცვლილი მფრინავების ხსოვნისადმი მიძღვნილი ღონისძიებისას.

უკრაინის პრეზიდენტმა ასევე გააკრიტიკა რუსეთის პოზიცია და ვლადიმირ პუტინის განცხადება, რომელშიც მან ნორმანდიულ ფორმატში მოლაპარაკებებს “უაზრო” უწოდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან