ვაშლიჯვრის დასახლებაში, გოძიაშვილის ქუჩის I ჩიხში საბურთალოს რაიონის გამგეობა მასშტაბურ ინფრასტრუქტურულ პროექტს ახორციელებს. 

თბილისის მერიის ინფორმაციით, ამ ქუჩაზე რამდენიმე კვირაში გამართული სანიაღვრე და რეაბილიტირებული სასმელი წყლის მილების სისტემა იმუშავებს.

მათივე ცნობით, ამორტიზებული წყლის მილების ქსელი და სანიაღვრის არარსებობა ამ უბნის მცხოვრებთა მთავარი პრობლემა იყო. 

მათი თქმით, მოძველებული მილები დღეში რამდენჯერმე ზიანდებოდა, რის გამოც მუდმივად უწყდებოდათ წყლის მიწოდება, ფუჭდებოდა გზის საფარი და ა.შ.

საბურთალოს რაიონის გამგეობასა და კომპანია GWP-ის შორის მიღწეული შეთანხმების საფუძველზე, სანიაღვრე ქსელის მოწყობის სამუშაოების პარალელურად, აქ GWP-მ კუთვნილი სასმელი წყლის მილების ქსელის რეაბილიტაციაც დაიწყო. 

„სამუშაოები საკმაოდ მასშტაბურია, პროექტის უდიდესი ნაწილი დასრულებულია, მილები ჩაწყობილია და დარჩენილია მხოლოდ მცირე მონაკვეთების დაერთება“, - განმარტავს საბურთალოს რაიონის გამგებლის მოადგილე კახა გავაშელი, რომელიც პირადად უწევს მეთვალყურეობას ობიექტის მშენებლობას.

გოძიაშვილის ჩიხში სანიაღვრე ქსელს კომპანია „დარი“ ახორციელებს. ხელშეკრულების მიხედვით, ქსელის სავარაუდო სიგრძე 319 მეტრია.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს