ექსპერტი ეკონომიკის საკითხებში ლევან კალანადაძე  თამბაქოსა და თამბაქოს პროდუქციის რეალიზატორებისთვის ლიცენზირების წინააღმდეგია.

საინფორმაციო სააგენტო BPI-თან ინტერვიუში ექსპერტი ამბობს, თუ ჩვენ თამბაქოს მომხმარებელთა რაოდენობის შემცირება გვინდა, ლოგიკა არ არსებობს ამ ორ საკითხს შორის.

”მე ასეთი ტიპის ლიცენზირების წინააღმდეგი ვარ, ლიცენზირების პრაქტიკა უნდა გამორიცხავდეს რაღაც გარკვეული მანკიერი გადაწყვეტილებების გაჩენის შესაძლებლობას.

როცა საქართველოში ლიცენზირების პრაქტიკა შემოდის საქართველოში, მიჩნდება განცდა იმის, რომ სრულიად შესაძლებელია თამბაქოს რაღაც გარკვეულმა ნაწილმა ე. წ. დახლქვეშ ვაჭრობის ჩრდილოვანი ეკონომიკის ნაწილში გადაინაცვლოს. ეს ერთი მხრივ შეამცირებს საბიუჯეტო შემოსავლებს, მეორე მხრივ აღურიცხავი ეკონომიკის გარკვეული კომპონენტი გაჩნდება, რაც თავისთავად საზიანოა, როგორც თამბაქოს მომხმარებლებისთვის, ასევე სახელმწიფოსთვის.

ვფიქრობ, ლიცენზირება გამოსავალი არ არის. ამ შემთხვევაში პრობლემას უფრო ვხედავ, ვიდრე გამოსავალს. თან რას მოგვიტანს ეს შედეგად? ლიცენზიას მაინც ყველა აიღებს. რა მნიშვნელობა აქვს სახელმწიფოსთვის ამას? რა მნიშვნელობა აქვს ის მაღაზიას A-ს აკონტროლებს თუ B-ს”, - განმარტავს ლევან კალანდაძე.

მისი თქმით, თამბაქოს იმპორტი და რეალიზაცია ქვეყანაში ისედაც კარგად კონტროლდება.

”დღესაც შეუძლია სახელმწიფოს თამბაქოს გამყიდველთა კონტროლი, რამდენადაც ის არის აქციზური პროდუქტი, აქციზების მარკირების გარეშე ეს პროდუქტი არ იყიდება და ეს დამატებითი რეგულაცია რა არის, თუ მეწარმე აიღებს ლიცენზიას ამით რა შეიცვლება გაუგებარია. პროდუქტი, რომ მავნებელია ამას ყველა ვაღიარებთ, მაგრამ ლიცენზირება რა შუაშია გაუგებარია. თუ ეს იმისთვის გვინდა, რომ აღრიცხვა-ანგარიშგება გაუმჯობესდეს ამისთვის არსებობს აქციზური მარკირება და ეს პროცედურა თავისთავად გულისხმობს, რომ ეს საკითხი მაქსიმალურად მოწესრიგებულია და შემიძლია გითხრათ, რომ ქვეყანაში თამბაქოს იმპორტი და რეალიზაცია ერთ-ერთი ყველაზე მოწესრიგებულია და ამ ლიცენზირებით თამბაქოს მომხმარებლთა რაოდენობა არ შემცირდება”, - განაცხადა ექსპერტმა.

შეგახსენებთ, რომ თამბაქოს რეალიზატორთათვის ლიცენზიების შემოღებას ითვალისიწნებს კანონპროექტი, რომელიც პარლამენტში პარლამნეტარ გუგული მაღრაძის ინიცირებით არის შესული. კანონპროექტის განხილვა პარლამენტმა საგაზაფხულო სესიებზე დაიწყო, მაგრამ მისი განხილვა საშემოდგომო სესიებისთვის გადაიდო.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მრავალწლიანი ტყუილებისთვის ბოდიშს ვიხდით – უნგრეთის საზმაუმ საინფორმაციო გადაცემა შეაჩერა

თბილისის აეროპორტი: ჩვეულ რეჟიმში ვოპერირებთ, მხოლოდ 3 რეისი გადამისამართდა

პაპუაშვილი – იუნკევიჩიენეს მოასინჯინეს ნიადაგი ქართულ ეკლესიაზე თავდასხმისთვის, ახლა მნიშვნელოვანია მკაცრი რეაქცია

ბოჭორიშვილი: საქართველოს წინააღმდეგ საერთაშორისო ინსტიტუტების პოლიტიკური მიზნებისთვის გამოყენების მცდელობები გრძელდება