ქონებრივი სამართლიანობის აღდგენის პროცესი 2012 წლიდან დღემდე მხოლოდ ერთეულ საქმეებს შეეხო. უამრავი ბიზნესმენი, რომელსაც კუთვნილი ქონება ან იძულების წესით ჩამოართვეს, ან სულაც საკუთარი ხელით "აჩუქებინეს" "ქართული ოცნების" მთავარი დანაპირების - სამართლიანობის აღდგენის შესრულებას დღემდე ელოდება.

სპეციალური დეპარტამენტი, რომელიც პროკურატურაში შეიქმნა, მათი ხმამაღალი განცხადებებისა და ხმაურიანი პრეზენტაციის მიუხედავად, არც ისე შედეგიანი აღმოჩნდა. პროკურატურა ამას მტკიცებულებების არქონით ხსნის, საზოგადოების დიდი ნაწილი კი პროკურატურის არაეფექტური მუშაობით.

რა პასუხი აქვს "ქართულ ოცნებას" თავისი ამომრჩევლისთვის, რომელიც მისგან ამ პირობის შესრულებას ელოდებოდა და რას პირდებიან 2016 წლის საპარლამენტო რჩევნებისთვის? ქონებრივი სამართლიანობის აღდგენის თემაზე პარლამენტის ადამიანის უფლებათა დაცვის კომიტეტის თავმჯდომარეს ეკა ბესელიას საუბრობს:

"მარტივი არ  არის წლების წინ, სახელმწიფოს მიერ მოქალაქეების მიტაცებული ქონებაზე საქმეების ძიება. წლების წინ ჩადენილია, ფაქტები ცოტაა,  ბევრი რამ ფალსიფიცირებულია, ქონება გადაყიდულია რამდენიმე მესაკუთრის ხელში.“- განაცხადა ეკა ბესელიამ.

როგორც "ადამიანის უფლებათა დაცვის კომიტეტის" თავმჯდომარე განმარტავს, პროკურატურასა და კომიტეტში ასობით საქმე დევს ქონება წართმეული მოქალაქეების შესახებ, რომლებიც საკუთრების დაბრუნებას ითხოვენ. თუმცა, პროცესი რთულია გამომდინარე საქმეების სიმრავლისგან და ფაქტების ნაკლებობისგან.

"რთულია გამოძიების დასრულება  ასეულობით საქმეზე.  ვისურვებდი უფრო მალე დასრულებულიყო ეს პროცესი, მაგრამ როდესაც მსხვერპლი არის მოქალაქეების დიდი რაოდენობა  და ასეულობთ საჩივარია შემოსული ქონების დაბრუნების მოთხოვნით... ბევრის ქონება უკვე მე-3,  მე-4,  მესაკუთრის ხელშია დიდი დრო სჭირდება,  იმას რომ მიხვიდე ბოლო ეტაპამდე.

ამ პროცესის გასაადვილებლად მივიღეთ ჩვენ,  ბოლო ცვლილება რომელზედაც იმუშავა   ,,ადამიანის უფლებათა დაცვის კომიტეტმა“ ,,იურიდულმა კომიტეტმა“  პროკურატურამ უსტიციამ ერთად.   პროკურატურის შემაჯამებელი გადაწყვეტილებით უნდა   მოხდეს კანონიერ ძალაში შესული განაჩენების, ხელახალი გადახედვა.  ეს ეხება მათ შორის ქონების საკითხებს.    ეს მექანიზმიც მივიღეთ. დანარჩენი უკვე გამოძიების თემაა. ძალიან რთულია უკარნახო გამოძიებას რამე“, - განაცხადა ეკა ბესელიამ. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი