„ქალთა პარტიის“ წარმომადგენლებმა თბილისის პარლამენტის შენობის წინ აქცია გამართეს.

აქციის მონაწილეები ხელისუფლებას ქალთა უფლებების დაცვისკენ მოუწოდებენ.

როგორც „ექსპრესნიუსს“ „ქალთა პარტიის“ თავმჯდომარემ ხათუნა მაჭავარიანმა განუცხადა, მთავრობამ ემიგრანტებს ყველა პირობა უნდა შეუქმნას, რათა ისინი საქართველოში დაბრუნდნენ.

 „პირველ რიგში ყველა დედას მინდა მივულოცო დღევანდელი დღე. ჩვენი მოთხოვნები კომპლექსურია და განსაკუთრებით გამოვყოფთ რამდენიმეს, რომელიც ძალიან მნიშვნელოვანია ჩვენთვის. ჩვენი ხმა გვინდა მივაწვდინოთ მთავრობას. ძალიან მნიშვნელოვანია ამ ეკონომიკური სიდუხჭირის ფონზე ქვეყნიდან გადახვეჭილი ქალების ბედი, რომელიც ჩვენ ძალიან გვაღელვებს და ეს არის ნომერ პირველი მოსაგვარებელი პრობლემა ხელისუფლებისათვის, თითოეულ ემიგრანტს უნდა მივცეთ იმის საშუალება, რომ ქვეყანაში დაბრუნდეს. ჩვენთვის ასევე მნიშვნელოვანია შრომით ურთიერთობებში ქალთა დისკრიმინაციის ფაქტები, სადაც შრომითი ხელშეკრულებებისას ირღვევა ადამიანის ურთიერთობები და აღარ იძლევა საშუალებას, რომ სასამართლოში შემდეგ, ეს საკითხები განხილულ იქნას, ანუ ფარული ხარვეზებია კანონმდებლობაში“,- განაცხადა ხათუნა მაჭავარიანმა.
აქციის მონაწილეებს ტრანსფარანტებიც ჰქონდათ გამოტანილი წარწერით - „შეწყდეს ქალთა დისკრიმინაცია შრომით ურთიერთობებში“, „მთავრობავ, შეუქმენი პირობები ემიგრანტებს ქვეყანაში დაბრუნდნენ“, „არა ქალთა დისკრიმინაციას“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი