სასჯელაღსრულებისა და პრობაციის მინისტრი კახა კახიშვილი სამინისტროს დელეგაციასთან ერთად, ოფიციალური ვიზიტით, სომხეთში იმყოფება.

სამინისტროს ინფორმაციით, დელეგაციის შემადგენლობაშია უწყების პენიტენციური დეპარტამენტის ხელმძღვანელი ზვიად მიხანაშვილი.

ვიზიტის ფარგლებში, მინისტრი დღეს სომხეთის პრემიერ-მინისტრს ჰოვიკ აბრაჰამიანს,  სომხეთის იუსტიციის მინისტრს არპინე ოვანისიანს, ასევე, სომხეთის იუსტიციის სამინისტროს პენიტენციური სამსახურის ხელმძღვანელს არტურ ოსიკიანს შეხვდება.

შეხვედრაზე მხარეები ორი ქვეყნის ურთიერთობებსა და პენიტენციურ და პრობაციის სფეროში თანამშრომლობაზე ისაუბრებენ. ყურადღება გამახვილდება სომხეთის სასჯელაღსრულების სფეროში არსებულ ვითარებაზე. სასჯელაღსრულებისა და პრობაციის მინისტრი კახა კახიშვილი შეხვედრებზე კოლეგებს საქართველოს სასჯელაღსრულების სფეროში გატარებული რეფორმების შესახებ ამომწურავ ინფორმაციას მიაწვდის და იმ საერთო გამოწვევების შესახებ ისაუბრებს, რომელიც სომხეთისა და საქართველოს პენიტენციური სფეროს წინაშეა. განიხილება ალტერნატიული სასჯელების, პრობაციის სფეროს განვითარების, ციხის გადატვირთულობის პრევენციის, პენიტენციური ინფრასტრუქტურის განვითარების, მსჯავრდებულთა სარეაბილიტაციო პროგრამების დანერგვისა და სხვა საკითხები.

სასჯელაღსრულებისა და პრობაციის მინისტრი, დელეგაციასთან ერთად, ხვალ სომხეთის იუსტიციის სამინისტროს პენიტენციური დეპარტამენტის ალტერნატიული სასჯელების აღსრულების სამმართველოს ხელმძღვანელს ლევონ ავეტისიანსაც შეხვდება, ასევე, დაგეგმილია შეხვედრა ქვეყნის პოლიციის უფროსთან ვლადიმირ გასპარიანთან. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება