„ჩვენი ქვეყნის თავდაცვისუნარიანობა სავალდებულო გაწვევაზეა დამოკიდებული“,-ამის შესახებ პარლამენტის თავდაცვისა და უშიშროების კომიტეტის თავმჯდომარემ ირაკლი სესიაშვილმა თავდაცვის მინისტრის მიერ სავალდებულო გაწვევის გაუქმებასთან  დაკავშირებით  განაცხადა.

სესიაშვილის თქმით, ის წელიწადზე მეტია მუშაობს პროექტზე, რომლიც გაწვევის სისტემის რეფორმას მოახდენს.

„წელიწადზე მეტია აქტიურად ვარ ჩართული აღნიშნულ პროექტში და  ვთვლი, რომ  ის პროექტი, რომელიც მოვამზადე, ყველა პრობლემას მოხსნის“,-განაცხადა სესიაშვილმა.

როგორც  სესიაშვილმა აღნიშნა, სავალდებულო  მოწვევის გაუქმების პრაქტიკა ნატოს წევრ ქვეყანას, კერძოდ კი ლიტვას 2 წლის წინ ჰქონდა.

ამასთან, მისივე თქმით, მას ლიტვის იმდროინდელ თავდაცვის მინისტთან ჰქონდა საუბარი, რომელმაც აღნიშნული კანონი შეცდომად მიიჩნია.

„მოვუწოდებ ყველა უწყებას არ დავუშვათ მსგავსი შეცდომა და დეტალურად განვიხლოთ აღნიშნული საკითხი.  ლიტვამ თავისი შეცდომა აღიარა და სავალდებულო გაწვევა აღადგინა“,-განაცხადა სესიაშვილმა.

ჟურნალისტის კითხვაზე  დაუშვა თუ არა თინა ხიდაშელმა შეცდომა? სესიაშვილმა აღნიშნა, რომ არა.

მისი თქმით, საუბარი იმაზეა, რომ თვადაცვის მინისტრის ხედვა არის მოუმზადებელი, ნაჩქარევი და არ არის შეთანხმებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება

პროკურატურამ ფორმულას მიმართ აღძრულ საქმეზე გამოკითხვაზე დავით ქაშიაშვილი დაიბარა