ვაზიანის სამხედრო პოლიგონზე I საარტილერიო ბრიგადის საველე სწავლება გაიმართა.

თავდაცვის სამინისტროს ინფორმაციით, საარტილერიო ბრიგადის „დანა“ ბატალიონმა დღეს გამართული საბრძოლო სროლებით ორკვირიანი წვრთნები დაასრულა. დასკვნით საველე სწავლებას საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე დაესწრო.

„ჩვენ ვიმყოფებოდით ერთ-ერთ დასკვნით ეტაპზე, როდესაც უშუალოდ სროლები მიმდინარეობს. ამას წინ უძღვოდა ორკვირიანი საკმაოდ დაძაბული წვრთნები, რაც გულისხმობდა გადაადგილებას, განლაგებას, შეტევას, უშუალოდ თავდასხმის მოგერიებას და ასე შემდეგ. რაც შეეხება დღევანდელ სროლებს, შედეგებით კმაყოფილი ვარ. იყო როგორც ხაზოვანი, ასევე წერტილოვანი მიზნების დაზიანებები. მნიშვნელოვანია, რომ დროში ეტევიან, დაცულია ის აუცილებელი მოთხოვნები, რაც საჭიროა უსაფრთხოებისთვის. დამატებითი ამოცანის სახით მათ მიეცათ არაგეგმური მიზანი, რომელიც ასევე წარმატებით დააზიანეს, ასე რომ, ჯერჯერობით ყველაფერი კარგად მიდის და, იმედი მაქვს, რომ წარმატებით დასრულდება“, - აღნიშნა გენერალ-მაიორმა ვახტანგ კაპანაძემ.

გეგმურ საარტილერიო სწავლებაში 250-მდე სამხედრო მოსამსახურე „დანა“ ბატალიონის სამი ბატარეის შემადგენლობით მონაწილეობდა. დასკვნითი სწავლების მიმდინარეობას სახმელეთო ჯარების აღმოსავლეთ სარდლობის სარდალი, პოლკოვნიკი შავლეგო ტაბატაძე და I საარტილერიო ბრიგადის მეთაური, პოლკოვნიკი ზურაბ თაბუკაშვილი დაესწრნენ. მსგავსი ტიპის საარტილერიო სწავლებები მომავალშიც იგეგმება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან