მარტინ შულცი: ახლა ნათელია, რომ დიდი ბრიტანეთი თავისი გზით წავა

2016-06-24 12:02:28, 1503 ნახვა

მსოფლიო

ევროპარლამენტის თავმჯდომარე მარტინ შულცი დიდი ბრიტანეთში ჩატარებული რეფერენდუმის შედეგებს გამოეხმაურა.

როგორც შულცმა აღნიშნა, ევროკავშირი რეფერენდუმის შედეგებისთვის კარგად მომზადებულია, თუმცა ის ბრიტანელების გადაწყვეტილების გამო წუხს.

ამასთან, შულცი გამორიცხავს, რომ “ბრექსითი” ევროკავშირში “დომინოს ეფექტს” გამოიწვევს. მისი თქმით, ევროკავშირიდან გასვლის პროცედურასთან დაკავშირებით ბრიუსელი ლონდონთან მოლაპარაკებებს დაიწყებს.

„დიდ ბრიტანეთთან სერიოზულ მოლაპარაკებებს გავმართავთ. მასთან ურთიერთობა როგორც “მესამე ქვეყანასთან” გვექნება. ახლა ნათელია, რომ დიდი ბრიტანეთი თავისი გზით წავა”, - განაცხადა მარტინ შულცმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან