"ქართულმა ოცნებამ დანაშაულებრივ სამყაროსთან კონტრაქტი განაახლა," - ამის შესახებ ნაციონალური მოძრაობის წევრმა, დეპუტატმა გივი თარგამაძემ გადაცემა "არჩევანის" პირდაპირ ეთერში განაცხადა.

ის ამბობს, რომ "ნაციონალურ მოძრაობას" აქვს ინფორმაცია, რომ მოახლოებული არჩევნებისთვის უპრეცედენტო მობილიზება მიმდინარეობს საქართველოს საზღვრებთან.

„ქართულმა ოცნებამ დანაშაულებრივ სამყაროსთან კონტრაქტი განაახლა, რომელიც 2012 წლის არჩევნების დროს გაფორმდა. ერთადერთი კონტრაქტი იყო, სადაც დანაპირები ქართულმა ოცნებამ შეასრულა და ამის შედეგია უმძიმესი შიდა კრიმინალური პრობლემი და ვიზალიბერალიზაციასთან დაკავშირებული პრობლემები. ახალმა ხელისუფლებამ გაათავისუფლა ამ სამყაროს წევრები, რომლებიც მოედნენ არა მარტო საქართველოს, არამედ მსოფლიოს. უპრეცედენტო კონცენტრირება ხდება ე.წ. კანონიერი ქურდებისა. ერთ-ერთი ასეთი შეკრება თურქეთში, ქემარ ფაშას დასახლებაში შედგა,“ - განაცხადა გივი თარგამაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJC: რუსეთის მიერ ცხინვალის რეგიონის ფაქტობრივი ანექსია უფრო აგრესიულ ეტაპზე გადავიდა

„თეგეტამ“ „დეილი ჯგუფს“ საოპერაციო ლიზინგის ფარგლებში FAW-ის 50 სატვირთო ავტომობილი მიაწოდა

ბერა ივანიშვილზე დაწერილი პოსტის გამო, ნატა ფერაძე სასამართლოში დაიბარეს

სუს: სოფელ ბერუშეთთან ოკუპანტების მიერ დაკავებული საქართველოს მოქალაქე თავისუფალია