ბელგიაში ტერაქტების ორგანიზების ბრალდებით 12 ადამიანი დააკავეს

2016-06-18 16:16:00, 1462 ნახვა

მსოფლიო

ბელგიაში სამართალდამცველებმა ანტიტერორისტული ოპერაციის შედეგად, 12 ადამიანი დააკავეს.

BBC-ის ინფორმაციით, მათ ბრალად ქვეყნის ტერიტორიაზე ტერორისტული აქტების ორგანიზება ედებათ.

სპეცოპერაცია ქვეყნის 16 მუნიციპალიტეტში, დედაქალაქ ბრიუსელის ირგვლივ განხორციელდა. სამართალდამცველებმა 40 საცხოვრებელი სახლი და 150-მდე ავტოფარეხი გაჩხრიკეს. რეიდების დროს 40-მდე ეჭვმიტანილიც დაიკითხა.

შეგახსენებთ, რამდენიმე დღის წინ გავრცელდა ინფორმაცია, რომ ბელგიასა და საფრანგეთში ტერაქტების ახალი სერია იგეგმებოდა. ამ დროისთვის უცნობია, უკავშირდება თუ არა ბელგიაში ჩატარებული სპეცოპერაციები აღნიშნულ საფრთხეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან