„ავერსის კლინიკის“ და „ავერსის“ ტრადიციად ქცეული საქველმოქმედო აქციების სერია გრძელდება. 

1 მარტს  „ავერსის კლინიკის“ ექიმებისა და „ავერსის“ ორგანიზებით, თიანეთის რაიონის    მოსახლეობისთვის უფასო გამოკვლევა გასინჯვა ეწყობა.

„ავერსის კლინიკის“ ექიმების მიერ თიანეთის რაიონში მცხოვრებ,  კერძოდ საყდრიონის, ხევსურთსოფლის და დევენაანთ ხევის  მოსახლეობას ექოსკოპიური, ოფთალმოლოგიური, კარდიოლოგიური,  ენდოკრინოლოგიური, პედიატრიული და ნევროლოგიური გამოკვლევები ჩაუტარდებათ.

„ავერსი“,  ტრადიციულად  აქციაში მონაწილე ყველა მოსახლეს პირველადი დახმარების 17 დასახელების მედიკამენტებს გადასცემს.

„ავერსი თითოეული მოქალაქის ჯანმრთელობაზე ზრუნავს, განსაკუთრებით კი მათზე ვისთვისაც მაღალი დონის სამედიცინო მომსახურება მიუწვდომელია.  ამ რაიონში ცხოვრობენ საკმაოდ ხანდაზმული, 100 წელს გადაცილებული ადამიანები და ამ ადამიანების განსაკუთრებით ესაჭიროებათ სამედიცინო მხარდაჭერა.  მსგავსი ტიპის აქციები ტრადიციაა და მომავალშიც  კვლავ გაგრძელდება“, - აცხადებენ „ავერსში“.

აღსანიშნავია, რომ ამ ტიპის აქციები უკვე გაიმართა ყაზბეგში, შატილში, სამცხე-ჯავახეთში, ზემო რაჭაში, თუშეთში, უჯარმაში, გორის რაიონში, ადიგენის რაიონში, ზემო აჭარაში. აქციის ფარგლებში 50 000 ლარზე მეტი ღირებულების  მედიკამენტი გაიცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი