საქართველო რუმინეთს განსაკუთრებულ პარტნიორად და ნამდვილ მეგობრად განიხილავს, - ამ სიტყვებით დაიწყო საქართველოსა და რუმინეთის პრემიერ-მინისტრების პირისპირ შეხვედრა რუმინეთის მთავრობის სახლში.
ირაკლი ღარიბაშვილმა და ვიქტორ პონტამ ორ ქვეყანას შორის პოლიტიკური, ეკონომიკური და კულტურული თანამშრომლობის გაღრმავებაზე ისაუბრეს.
შეხვედრისას დიდი ყურადღება დაეთმო საქართველო-ევროკავშირის ურთიერთობებს, ასოცირების დღის წესრიგით გათვალისწინებული რეფორმების განხორციელებას და რიგის აღმოსავლეთ პარტნიორობის სამიტთან დაკავშირებულ მოლოდინებს.
გამოითქვა შეშფოთება რუსეთის მიერ აფხაზეთისა და ცხინვალის საოკუპაციო რეჟიმებთან ე.წ. შეთანხმებების ხელმოწერასთან დაკავშირებით.
საქართველოს პრემიერ-მინისტრმა რუმინელ კოლეგას მადლობა გადაუხადა საქართველოს ტერიტორიული მთლიანობის, ევროატლანტიკური მისწრაფებების მხარდაჭერისა და იმ პროექტებისთვის, რომლებიც საქართველოში სავიზო რეჟიმის ლიბერალიზაციის ხელშეწყობის, სტიქიურ უბედურებათა რისკის შემცირებისა და მენეჯმენტის გაძლიერების მიმართულებებით ხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან