“ევროვიზიის” ორგანიზატორი ევროპის სამაუწყებლო კავშირი (EBU) კონკურსის შედეგების გადახედვის მოთხოვნით პეტიციის განხილვას გეგმავს, - ამის შესახებ BBC იუწყება. 

პეტიცია, რომლის ავტორი ერევნის მცხოვრები არტურ ოვანესიანია, ვებგვერდ change.org-ზე გამოქვეყნდა და 200 ათასზე მეტი ხელმოწერა დააგროვა.

“ჩვენ ვიცით პეტიციის შესახებ, ამ საკითხს დღეს განვილავთ, EBU-ს პასუხი მოგვიანებით გამოქვეყნდება”, - განაცხადა ევროპის სამაუწყებლო კავშირის პრესმდივანმა პოლ ჯორდანმა. 

როგორც ჯორდანმა აღნიშნა, ნაკლებად სავარაუდოა, რომ შედეგები გადაიხედოს.

“ჩვენ გვესმის, რომ ჟიურისა და მაყურებელთა ხმის მიცემა რთული და ემოციური პროცესია, თუმცა ამ პეტიციის ხელმომწერ ადამიანთა რაოდენობა აჩვენებს იმას, რომ ბევრი დარწმუნებულია იმაში, რომ წელს “გამარჯვებულად” არ აირჩიეს ის შემსრულებელი, რომელიც ამას იმსახურებდა”, - ნათქვამია პეტიციაში.
ცნობისთვის, უკრაინის წარმომადგენლის ჯამალას გამარჯვებამ ევროვიზიაზე რუსეთში ნეგატიური რეაქცია გაოიწვია. რუსეთის საგარეო საქმეთა სამინისტროს წარმომადგენელმა მარია ზახაროვმა სოციალურ ქსელში მუსიკალური კონკურსის პოლიტიზირებაზე მიანიშნა, ზოგიერთმა რუსმა პოლიტიკოსმა კი ეჭვი გამოთქვა, რომ უკრაინა, შექმნილი ეკონომიკური ვითარების გათვალისწინებით, შეძლებს 2017 წლის ევროვიზიის მასპინძლობას.

შეგახსენებთ, რომ მუსიკალურ კონკურში მეორე ადგილი ავსტრალიის წარმომადგენელმა დამი იმმა დაიკავა. რუსი შემსრულებელი სერგეი ლაზარევი კი მესამე ადგილზე გავიდა. მუსიკალურ კონკურსზე ევროვიზია-2016-ზე საქართველოს წარმომადგენლები ნიკა კოჩაროვი და Young Georgian Lolitaz მე-20 ადგილზე გავიდნენ. 

წელს ევროვიზიაზე ხმის მიცემის პროცედურის წესები შეიცვალა. კერძოდ თითოეული ქვეყნის მონაწილეს ცალკე აფასებენ ჟიურის წევრები და მაყურებლები.

ჯამალამ ჟიურისა და მაყურებლების ხმის მიცემის შედეგად 534 ქულა დააგროვა. მაყურებლების ხმების მიხედვით, უკრაინელმა შემსრულებელმა მეორე ადგილი დაიკავა, თუმცა ჟიურის მაღალმა შეფასებამ მისი გამარჯვება უზრუნველყო. რაც შეეხება რუს შემსრულებელს, მან პირველი ადგილი დაიკავა ტელემაყურებელთა ხმების რაოდენობის მიხედვით, თუმცა ჟიურის მიერ მინიჭებული ქულებით სერგეი ლაზარევი მეხუთეზე გავიდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი