მთიანი ყარაბაღის კონფლიქტის ზონაში აზერბაიჯანის შეიარაღებული ძალების სამხედრო დაიღუპა, - ამის შესახებ აზერბაიჯანის თავდაცვის სამინისტროს პრესსამსახურმა განაცხადა. 

როგორც აზერბაიჯანის თავდაცვის სამინისტროს განცხადებაშია ნათქვამი, 17 მაისს  სომხეთის შეიარაღებული ძალების მიერ ცეცხლის შეწყვეტის რეჟიმის დარღვევის შედეგად გამყოფ ხაზთან აზერბაიჯანის არმიის სამხედრო დაიღუპა. 

აზერბაიჯანის თავდაცვის სამინისტროს ცნობით, საპასუხო ზომების შედეგად მოწინააღმდეგეს მხრიდან ასევე არის მსხვერპლი.

თავის მხრივ, სომხეთის თავდაცვის სამინისტრო იტყობინება, რომ აზერბაიჯანის შეიარაღებული ძალების მხრიდან ინტენსიური ცეცხლის შედეგად მთიანი ყარაბაღის დეფაქტო რესპუბლიკის ძალების სამხედრო დაიღუპა.

შეგახსენებთ, რომ 16 მაისს ეუთო-ს მინსკის ჯგუფის შუამავლობით ვენაში ილჰამ ალიევისა და სერჟ სარგსიანის შეხვედრა გაიმართა. როგორც მოლაპარაკებების შემდეგ რუსეთის საგარეო საქმეთა მინისტრმა სერგეი ლავროვმა განაცხადა, აზერბაიჯანისა და სომხეთის ლიდერები სამშვიდობო შეთანხმების პირობების შესრულებაზე შეთანხმდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს