„საქართველოს თავდაცვის და უსაფრთხოების კონფერენციის“ (GDSC) გახსნამდე 10 დღე რჩება. ღონისძიებისთვის მზადება აქტიურად მიმდინარეობს. რიგით მე-10 „საქართველოს თავდაცვის და უსაფრთხოების კონფერენცია“ სასტუმრო „ჰუალინგში“ 24-25 მაისს გაიმართება.

კონფერენციის მნიშვნელობაზე საქართველოს თავდაცვის მინისტრი თინათინ ხიდაშელი სპეციალურ ვიდეომიმართვაში საუბრობს.

„თავდაცვისა და უსაფრთხოების მე-10 კონფერენცია საიუბილეო თარიღია ჩვენთვის, საქართველოსთვის. მნიშვნელოვანია, რომ ის ჩვენი ქვეყნისთვის ორ ძალიან მნიშვნელოვან ამბავს ემთხვევა - საქართველოს დამოუკიდებლობის აღდგენის 25 წლისთავს, სწორედ, 25 წლისთავის ზეიმის დღეებში იქნება კონფერენცია და ის წინ უსწრებს ვარშავის სამიტს.

საქართველოში შეიკრიბებიან მთელი მსოფლიოდან ექსპერტები, თავდაცვის მინისტრები, პარლამენტის წევრები, ძალიან მაღალი თანამდებობის პირები ჩვენი პარტნიორი ქვეყნებიდან, როგორც ნატოს წევრი, ასევე არაწევრი სახელმწიფოებიდან და ერთად ვიმსჯელებთ მსოფლიოს მომავალზე, ვიმსჯელებთ უსაფრთხოების ძირითად გამოწვევებზე, პრობლემებზე, რომლის წინაშეც დღეს კაცობრიობა და ცივილიზებული სამყარო დგას. ჩვენ შევეცდებით ვიპოვოთ პასუხები. შემოგვიერთდით და ჩვენთან ერთად ეძებეთ ეს პასუხები“, - აცხადებს თინათინ ხიდაშელი.

კონფერენციაზე ოთხი ინტერაქტიული თემატიკა განიხილება. პირველი დღე მთლიანად ნატოს მიეძღვნება და მთავარი აქცენტი მოახლოებულ ვარშავის სამიტზე გაკეთდება. მეორე დღეს კი, სამი ძირითადი თემატიკის განხილვა მოეწყობა - შავი ზღვის ფართო რეგიონის, როგორც ევრო-ატლანტიკური უსაფრთხოების არქიტექტურის განუყოფელი ნაწილის უსაფრთხოება; თანამედროვე საერთაშორისო წესრიგი და მისი მცირე ქვეყნებზე ზეგავლენა და ომის არაკონვენციური განზომილება.

კონფერენციის პარტნიორები არიან ამერიკის შეერთებული შტატების ატლანტიკური საბჭო, თავდაცვისა და უსაფრთხოების კვლევების გაერთიანებული სამსახურების სამეფო ინსტიტუტი (RUSI), აშშ-ის გერმანიის მარშალის ფონდი და კონრად ადენაუერის ფონდი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარნეულში 6 ადამიანი ტორტით მოიწამლა, მოკვლევა დაწყებულია

ხალხის ტოტალური კონტროლისთვის არ იქნება აუცილებელი მოქალაქის მიმართვა, რეჟიმი თავად მოძებნის კრიტიკოსებს

დეკანოიძე - საკვებ პროდუქტებზე ფასები დაავიწყდათ, სამაგიეროდ, მდინარაძის ფუნქციისთვის კიდევ უფრო მეტი ჩვენი ფული დაიხარჯება

თიბისი კაპიტალმა მსხვილი ბიზნესისთვის სასესხო პორტფელის სავალუტო სტრუქტურის შესახებ რეკომენდაციები გამოაქვეყნა - მკითხველის კომენტარებზე პასუხებთან ერთად