ვლადიმერ პუტინმა საქართველოსა და უკრაინის ლიდერებს გამარჯვების დღე დიალოგის სათანადო დონის არარსებობის გამო არ მიულოცა, - ამის შესახებ "რია-ნოვოსტი" წერს. 

მედიის ცნობით, რუსეთის პრეზიდენტის პრესმდივანის, დიმიტრი პესკოვის განცხადებით, ეს არ ეხებათ საქართველოსა და უკრაინის მოქალაქეებს.

“რუსეთი არასდროს ყოფილა ჩვენს ორმხრივ ურთიერთობებში ნეგატიური პროცესების ინიციატორი. რუსეთი ყოველთვის უჭერდა მხარს მეზობლებთან და ფაქტობრივად მოძმე ქვეყნებთან კეთილ ურთიერთობებს, თუმცა საქართველოს შემთხვევაში, თქვენ იცით ჩვენი ურთიერთობების კრიზისის წინამორბედი მოვლენები”, - განაცხადა პესკოვმა.

მილოცვის ტექსტში ვლადიმერ პუტინმა ფაშიზმზე გამარჯვების 71-ე წლისთავი, სხვა ქვეყნებისგან განსხვავებით, მხოლოდ საქართველოსა და უკრაინის მოქალაქეებს მიულოცა და არა ხელისუფლების პირველ პირებს.

“პრეზიდენტს არაერთხელ უთქვამს, რომ სახელმწიფო დონეზე კრიზისული ურთერთობები არ აისახება კეთილ გრძნობებსა და ტრადიციებზე ჩვენთან ტრადიციულად დაახლოებული ქვეყნების მოსახლებისადმი - ეს არის საქართველოს მოსახლეობაც, უკრაინის მოსახლეობაც და სხვა ქვეყნებისაც. სწორედ ამიტომ პრეზიდენტის მილოცვა ხალხის მისამართით გაკეთდა”, - აღნიშნა კრემლის პრესმდივანმა.

შეგახსენებთ, 8 მაისს კრემლის ვებგვერდზე გამოქვეყნებულ განცახდებაში ნათქვამი იყო, რომ  “ვლადიმერ პუტინმა აზერბაიჯანის, სომხეთის, ბელარუსის, ყაზახეთის, ყირგიზეთის, მოლდოვის, ტაჯიკეთის, თურქმენეთის, უზბეკეთის, აფხაზეთისა და სამხრეთ ოსეთის ლიდერებს, ასევე საქართველოს და უკრაინის მოქალაქეებს დიდ სამამულო ომში გამარჯვების 71-ე წლისთავი მიულოცა”.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი