2016-05-07 10:07:55, 611 ნახვა
პოლიტიკა
8-9 მაისს ცხინვალის ე.წ ხელისუფლება საქართველოსთან ადმინისტრაციულ საზღვარს ჩაკეტავს
8-9 მაისს ცხინვალის დეფაქტო ხელისუფლება საქართველოსთან ადმინისტრაციულ საზღვარს ჩაკეტავს, - ამის შესახებ რუსული მედია ე.წ. უშიშროების კომიტეტის პრეს-სამსახურზე დაყრდნობით იუწყება.
მედია საშუალების ინფორმაციით, უსაფრთხოების უზრუნველყოფის ზომების გატარების ფარგლებში, სადღესასწაულო დღეებთან დაკავშირებით, რომელიც მეორე მსოფლიო ომის დასრულების 71-ე წლისთავს უკავშირდება, ე.წ. სამხრეთ ოსეთის დანარჩენ საქართველოსთან ადმინისტრაციულ საზღვარზე, სადაც მოქალაქეთა მიმოსვლა გამარტივებულია, მოქალაქეთა გატარება 2 დღის განმავლობაში აღარ მოხდება.
მათივე ინფორმაციით, გამშვები პუნქტები 10 მაისის 07:00 საათიდან მუშაობის ჩვეულ რეჟიმს განაგრძობენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
