საქართველოს პრეზიდენტმა  კიევში ვიზიტის ფარგლებში ლატვიის პრემიერ-მინისტრთან ლაიმდოტა სტრაუიუმასთან შეხვედრა გამართა. 

შეხვედრისას მხარეებმა რეგიონში არსებული ვითარება და უსაფრთხოების თემები განიხილეს. საუბარი ასევე შეეხო მომავალ აღმოსავლეთ პარტნიორობის რიგის სამიტს. როგორც გიორგი მარგველაშვილმა აღნიშნა, მნიშვნელოვანია რიგის სამიტზე სათანადოდ შეფასდეს საქართველოს ძალისხმევა და აღნიშნული სამიტი გახდეს ახალი იმპულსი საქართველოს ევროპული ინტეგრაციისათვის. სახელმწიფოს მეთაურმა ხაზი გაუსვა ამ პროცესებში ლატვიის, როგორც ევროკავშირის თავმჯდომარე ქვეყნის მხარდაჭერის მნიშვნელობასაც. 

ქვეყნის პირველმა პირმა მადლობა გადაუხადა ლაიმდოტა სტრაუიუმას და ლატვიის ხელისუფლებას საქართველოს სუვერენიტეტისა და ოკუპირებული ტერიტორიების არაღიარების პოლიტიკის მხარდაჭერისათვის. გიორგი მარგველაშვილმა აღნიშნა, რომ საქართველოსა და უკრაინის მაგალითის გათვალისწინებით, რეგიონში უსაფრთხოებისა და სტაბილურობის უზრუნველყოფისათვის ევროპული სახელმწიფოების და დასავლეთის მხარდაჭერა გადამწყვეტია. 

შეხვედრას ეროვნული უშიშროების საბჭოს მდივანი ირინე იმერლიშვილი, პრეზიდენტის მრჩეველი და საერთაშორისო ურთიერთობათა მდივანი თენგიზ ფხალაძე და საქართველოს ელჩი უკრაინაში მიხეილ უკლება ესწრებოდნენ.
საქართველოს პრეზიდენტი დღესვე უკრაინელ კოლეგას პირისპირ შეხვდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები