"ჩვენ გვჭირდება მშვიდობიანი არჩევნები, რომლის შედეგები, რასაკვირველია,  პროგნოზირებადი არ უნდა იყოს",-ამის შესახებ  საქართველოს პრემიერმინისტრმა გიორგი კვირიკაშვილმა ევროსაბჭოს საპარლამენტო სესიაზე სიტყვით გამოსვლისას განაცხადა.

მისივე თქმით, საქართველოს ხელისუფლება არჩევნებზე ევროსაბჭოს  საპარლამენტო ასამბლეის მონიტორინგის განხორციელებას რამდენიმე მიზეზის გამო ელის-პირველი, რომ საქართველოსთვის არჩევნების პროცესში მონიტორინგი მნიშვნელოვანია და მეორე-2016 წლის არჩევნები გამჭვირვალე უნდა იყოს:

"2012 წლამდე ხდებოდა რეჟიმების შეცვლა, მაგრამ ეს ცვლილება არ ხდებოდა არჩევნების მეშვეობით. რაც არ უნდა გასაკვირი იყოს, 2012 წელს საქართველოს ხალხმა მიაღწია ძალაუფლების მშვიდობიან გადაცემას, რაც გაუტოლდა რეჟიმის ცვლილებას. 2012 წლიდან მოყოლებული ქვეყანაში ჩატარდა თავისუფალი არჩევნები, თანასწორ გარემოში ადგილობრივი და საპრეზიდენტო არჩევნები.წელს კი ამას საპარლამენტო არჩევნები შეავსებს.ჩვენ გვჭირდება მშვიდობიანი არჩევნები, რომლის შედეგები, რა თქმა უნდა,   პროგნოზირებადი არ უნდა იყოს ქვეყანაში,  სადაც არ ხდება კონტროლი,  თუ რა ცენზურაა ახალ ამბებზე და თითოეული კანდიდატის მიმართ ხმის მიცემის საკითხს ვიღაც არ უბრძანებს ადამიანებს. ჩვენ მოველით ევროსაბჭოს საპარლამენტო ასამბლეის მონიტორინგის განხორციელებას ორი მიზეზის გამო, პირველ რიგში, რომ საქართველოსთვის მნიშვნელოვანია მონიტორინგი არჩევნების პროცესში, ჩვენ ყოველთვის თქვენი იმედი გვქონდა ამ პროცესში და მეორე, არჩევნები, რომელიც 2016 წელს გაიმართება, უნდა იყოს გამჭვირვალე თანაბარ გარემოში წარმართული. ჩვენ გვსურს თქვენც აღიაროთ შედეგები იმის მიუხედავად, რა იქნება. ჩვენ ვაგრძელებთ გზას დემოკრატიული კონსოლიდაციისაკენ",-განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით