აჭარის მთავრობის თავმჯდომარე არჩილ ხაბაძე მაჭახელას ხეობის წარმომადგენლებს შეხვდა.

აჭარის მთავრობის ადმინისტრაციის პრესსამსახურის ინფორმაციით, ხეობის მოსახლეობა გეოგრაფიული ადგილის ისტორიული ღირებულებების გათვალისწინებით მთის კანონის ფარგლებში მოქცევას ითხოვს. არჩილ ხაბაძემ მოისმინა ხეობის წარმომადგენლების მოთხოვნები და მათ აჭარის მთავრობის მიერ გატარებული ღობისძიებების შესახებ ინფორმაცია მიაწოდა. არჩილ ხაბაძის განმარტებით,  ხეობის მაღალმთიანი სოფლების მთის კანონის ფარგლებში მოქცევაზე მუშაობა უკვე დაწყებულია და მომავალშიც ინტენსიურად გაგრძელდება.  აჭარის მთავრობის თავმჯდომარე საქართველოს მთავრობაში  მთის კანონთან დაკავშირებული საბჭოს წევრია. მან მაჭახელას წარმომადგენლებს  განუმარტა მთის კანონთან დაკავშირებული დეტალები და მათდამი მხარდაჭერა გამოხატა. 

აღსანიშნავია, რომ მთის კანონი 11 მუხლისგან შედგება და მისი მიზანია იმ შეღავათების განსაზღვრა, რომლებიც უზრუნველყოფს მაღალმთიან რეგიონებში მცხოვრებ პირთა კეთილდღეობას, ცხოვრების დონის ამაღლებას, დასაქმების ხელშეწყობას, სოციალური და ეკონომიკური მდგომარეობის გაუმჯობესებას.

კანონის მიხედვით, ჰიფსომეტრიული სიმაღლის მიხედვით, მაღალმთიან დასახლებად ითვლება დასახლება, რომელიც მდებარეობს ზღვის დონიდან 1500 მეტრის სიმაღლეზე ან მის ზევით, მაგრამ სხვადასხვა კრიტერიუმების (მთის ფერდობების და ზეგნების დახრილობა, ინფრასტრუქტურის მდგომარეობა, კლიმატური პირობები და ბუნებრივი გარემო, სასოფლო-სამეურნეო დანიშნულების მიწის სიმცირე და სიმწირე, დემოგრაფიული მდგომარეობა, მათ შორის, გამწვავებული მიგრაციული პროცესები) გათვალისწინებით მისი ქვედა ზღვარი კავკასიონის სამხრეთ ფერდობზე განლაგებულ დასახლებებში და აჭარის ავტონომიური რესპუბლიკისა და გურიის დასახლებებში მცირდება 1000 მეტრამდე (გამონაკლის შემთხვევაში – 800 მეტრამდე), ხოლო სამხრეთ საქართველოს დასახლებებში რჩება 1500 მეტრი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“