ალასანია: გოგაშვილს ფარული მიყურადების კურირება აქვს დავალებული, როგორც ეს მესხელს ჰქონდა სააკაშვილის დროს

2016-04-09 21:50:21, 575 ნახვა

პოლიტიკა

"გოგაშვილს ფარული მიყურადების კურირება აქვს დავალებული, როგორც ეს მესხელს ჰქონდა სააკაშვილის დროს" - ამის შესახებ "თავისუფალი დემოკრატების" ლიდერმა ირაკლი ალასანიამ ტელეკომპანია "იმედის" პირდაპირ ეთერში განაცხადა.

მისი თქმით, ის ფარული თვალთვალის და მიყურადების ობიექტია.

"დაფიქრების გარეშე შემიძლია გითხრათ, რომ ფარული თვალთვალის და მიყურადების ობიექტი ვარ, რადგან ამის ანალიტიკურ ინფორმაციასაც და კონკრეტულსაც ვფლობთ, რომ სამწუხაროდ, უსაფრთხოების სამსახურში ხელმძღვანელის მოადგილე, გოგაშვილი არის ჩართული ამ ყველაფერში. მას დავალებული აქვს ამგვარი საკითხების კურირება, ზუსტად ისე, როგორც ეს მესხელს ჰქონდა სააკაშვილის დროს. სუს-ს პოლიტიკური პოლიციის ფუნქცია აქვს შეთავსებული. მე პირდაპირ ვიტყვი, რომ ვიდრე ხელისუფლებაში არ მოვა ძალა, რომელსაც ამის აღკვეთის პოლიტიკური ნება ექნება ეს ვერ დამთავრდება", - განაცხადა ირაკლი ალასანიამ.