ავსტრალიის მთავრობა უკრაინას დამატებით 100 მილიონი დოლარის დახმარებას გაუწევს კრიტიკულად მნიშვნელოვანი სამხედრო აღჭურვილობის შესაძენად. ავსტრალიის თავდაცვის სამინისტრომ აღნიშნა, რომ 2025 წლის დეკემბერში PURL-ის ფარგლებში 50 მილიონი დოლარის ვალდებულების შემდეგ, კანბერა მომდევნო 12 თვის განმავლობაში კიდევ ორ დამატებით 50 მილიონი დოლარის შენატანს განახორციელებს.

ამრიგად, თავდაცვის სამინისტროს მონაცემებით, ომის დაწყებიდან ავსტრალიის მიერ უკრაინისთვის გაწეული სამხედრო დახმარების ჯამურმა მოცულობამ 1.6 მილიარდ დოლარს გადააჭარბა.

„უკრაინაში მიმდინარე მოვლენები ასევე მნიშვნელოვანია ინდოეთ-წყნარი ოკეანის რეგიონისთვის, ამიტომაც არის ასე მნიშვნელოვანი, რომ ავსტრალიამ შეინარჩუნოს თანმიმდევრულობა და გააგრძელოს უკრაინის მხარდაჭერა მანამ, სანამ ის საკუთარი პირობებით მშვიდობას არ მიაღწევს“, - განაცხადა ავსტრალიის ვიცე-პრემიერმა მარლესმა.

ავტორი: ექსპრესნიუსი,

სოციალური ქსელები

ხარკოვის ოლქში რუსეთის სარაკეტო დარტყმას 10 ადამიანი ემსხვერპლა 17 კი დაშავდა

ჩხუბი ბათუმის ბულვარში - დაჭრილია 2 ადამიანი

ნიკა გვარამია - „ნდობის აღდგენა“ სრულიად ფუჭი სიტყვებია და მის უკან არავითარი პოლიტიკური შინაარსი არ დგას

კობახიძის ინფორმაციით, გუშინდელი მდგომარეობით, აფხაზეთში დაახლოებით 680 ტონა საწვავი იყო შეტანილი