პარტია თავისუფლების მოედანი ნიკოლ ფაშინიანსა და სომეხ ხალხს საპარლამენტო არჩევნებში გამარჯვებას ულოცავს. 

"სომეხ ხალხს და პრემიერმინისტრ ნიკოლ ფაშინიანს არჩევნებში გამარჯვებას ვულოცავთ. არჩევნების შედეგებმა კიდევ ერთხელ დაადასტურა სომხეთის მოქალაქეების ერთგულება დემოკრატიული განვითარებისა და ევროპული მომავლის მიმართ, მიუხედავად იმ გამოწვევებისა და ზეწოლისა, რომლის წინაშეც დღეს ჩვენი რეგიონი დგას.

საქართველოსა და სომხეთს ისტორიული მეგობრობა, საერთო გამოცდილება და ევროპული მისწრაფებები აკავშირებს. ორივე ქვეყანამ საკუთარი გამოცდილებით იცის, რომ თავისუფალი და დემოკრატიული საზოგადოების შენება მუდმივ ძალისხმევასა და დასავლური ღირებულებებისადმი ერთგულებას მოითხოვს.

გვჯერა, რომ ჩვენი რეგიონის მშვიდობა, უსაფრთხოება და განვითარება თანამშრომლობასა და საერთო ფასეულობებზე უნდა აშენდეს. ძლიერი, წარმატებული და დემოკრატიული სომხეთი არა მხოლოდ სომეხი ხალხის, არამედ მთელი რეგიონის ინტერესებშია. ამ გზაზე სომხეთს წარმატებას ვუსურვებთ". - წერია პარტიის განცხადებაში.

წინასწარი საბოლოო შედეგების მიხედვით, სომხეთის საპარლამენტო არჩევნებში ფაშინიანის პარტია "სამოქალაქო კონტრაქტმა" ხმათა 49.8%-ით გაიმარჯვა, ხოლო ბიზნესმენ სამველ კარაპეტიანის პრორუსული ალიანსი "ძლიერი სომხეთი" მეორე ადგილზე გავიდა, ხმების 23.3%-ით. დათვლილია ყველა უბანი. 

ავტორი: ექსპრესნიუსი,

სოციალური ქსელები

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა