უნგრეთის მთავრობამ დღეიდან, 5 ივნისიდან საქართველოს, სომხეთისა და ფილიპინების მოქალაქეებისთვის სამუშაო ვიზების გაცემა შეაჩერა. Reuters უნგრეთის მთავრობის წარმომადგენელზე დაყრდნობით წერს, რომ ეს ნაბიჯი ქვეყანაში უცხოური მუშახელის შემოდინების დარეგულირების პირველი ეტაპია. 

აღსანიშნავია, რომ პრემიერ-მინისტრ პიტერ მადიარის პარტია ტიზამ, რომელმაც 12 აპრილს არჩევნებში ვიქტორ ორბანის 16-წლიანი მმართველობა დაასრულა, ივნისიდან ევროკავშირის არაწევრი ქვეყნებიდან მუშახელის მიღების, ანუ, მათთვის სამუშაო ვიზების გაცემის შეწყვეტა დააანონსა.

მთავრობის სპიკერმა ვანდა სონდმა განაცხადა, რომ ხელისუფლება უცხოელი მუშაკების დასაქმების შესაძლებლობებს გაამკაცრებს, რადგან მიიჩნევს, რომ ისინი ადგილობრივი მოსახლეობის ხელფასებზე ზეწოლას ახდენენ და მათ შემცირებას უწყობენ ხელს.

Reuters წერს, რომ ოფიციალური სტატისტიკის მიხედვით, უცხოელი მუშაკები უნგრეთის სამუშაო ძალის მხოლოდ 2%-ს შეადგენენ, თუმცა ზოგიერთი სექტორი - განსაკუთრებით მომსახურებისა და წარმოების სფეროები მნიშვნელოვნად არის დამოკიდებული მათზე.

უნგრეთის მთავრობა აცხადებს, რომ ეს რეფორმები მხოლოდ პირველი ნაბიჯია გრძელვადიანი პოლიტიკის ფარგლებში.

ავტორი: ექსპრესნიუსი,

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს