ვაშინგტონმა უნდა გადახედოს და გამოასწოროს საქართველოსთან დაკავშირებით ბაიდენის ადმინისტრაციის პერიოდში მიღებული გადაწყვეტილებები, — ასე პასუხობს თბილისის მერი კახა კალაძე აშშ-ის სახელმწიფო მდივნის, მარკო რუბიოს განცხადებას. კალაძის თქმით, საქართველო მზად არის აშშ-სთან ურთიერთობების ახალი ფურცლიდან დასაწყებად, თუმცა ეს პროცესი სამართლიანობასა და ურთიერთპატივისცემას უნდა ეფუძნებოდეს.

"როდესაც საქართველოში აშშ-ს დელეგაცია იმყოფებოდა, პრემიერ-მინისტრმა აბსოლუტურად ღიად ისაუბრა. ჩვენი გუნდის პოზიცია იცით - აქ დასამალი არაფერია და ჩვენ ამაზე ღიად ვსაუბრობთ.

ჩვენ მზად ვართ ურთიერთობები ახალი ფურცლიდან დავიწყოთ შესაბამისი გზამკვლევით. ჩვენ აღნიშნულთან დაკავშირებით განცხადებები არაერთხელ გაგვიკეთებია. ურთიერთობები სამართლიანობას უნდა ეფუძნებოდეს. რადგან სამართლიანობაზე ვსაუბრობთ, აშშ-მ უნდა აღადგინოს სამართლიანობა და ის გადაწყვეტილებები გამოასწოროს, რომელიც ბაიდენის ადმინისტრაციამ საქართველოს წინააღმდეგ მიიღო - ეს ყველაფერი ძალიან ცუდი და მძიმე იყო, რადგან ყველაფერი დაფუძნებული იყო ტყუილსა და სიცრუეზე.

ბაიდენის ადმინისტრაციამ საქართველოსთან დაკავშირებით არასწორი გადაწყვეტილებები მიიღო - მხოლოდ და მხოლოდ ტყუილი, მხოლოდ და მხოლოდ სიცრუე. ახლანდელ ადმინისტრაციას პრეზიდენტ ტრამპის ხელმძღვანელობით იმის შესაძლებლობა აქვს, რომ არასწორი გადაწყვეტილებები, რაც საქართველოსთან დაკავშირებით იყო მიღებული, გამოასწოროს

მთავარია, რომ ურთიერთობები დაფუძნებული იყოს სამართლიანობაზე, რაც არის პრინციპული და მნიშვნელოვანი“, - განაცხადა კახა კალაძემ.

ავტორი: ექსპრესნიუსი,

სოციალური ქსელები

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა