ანტიკორუფციული ბიუროს ყოფილი ხელმძღვანელი რაჟდენ კუპრაშვილი განსაკუთრებით დიდი ოდენობით ქრთამის აღების ფაქტზე დაკავებული სუს-ის ყოფილი უფროსის მოადგილის, ლევან ახობაძის ადვოკატი იქნება.

ინფორმაცია თავად რაჟდენ კუპრაშვილმა პუბლიკას დაუდასტურა.

მისი თქმით, ბრალდებული სახლში დააკავეს. მან დამატებითი კომენტარი სუს-ში მისვლამდე არ გააკეთა.

სახელმწიფო უსაფრთხოების სამსახურის ცნობით, განსაკუთრებით დიდი ოდენობით ქრთამის აღების ფაქტზე სუს-ის ყოფილი უფროსის გრიგოლ ლილუაშვილის მოადგილე, ლევან ახობაძე დააკავეს. 

აღნიშნულ ქმედებასთან დაკავშირებით გამოძიება საქართველოს სისხლის სამართლის კოდექსის 338-ე მუხლის მესამე ნაწილის „ე“ ქვეპუნქტით მიმდინარეობს, რაც სასჯელის სახედ და ზომად თავისუფლების აღკვეთას 11-დან 15 წლამდე ვადით ითვალისწინებს.

ავტორი: ექსპრესნიუსი,

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს