გამახალისა იმ ფაქტმა, რომ "ოცნება" თვლის, რომ მე ჩავდივრ საფრანგეთში, ნახევარი დღე იქ ვარ და საღამოსვე უკვე დავწერე და მივაღებინე - ასე ეხმაურება საქართველოს მეხუთე პრეზიდენტი "ოცნების" წევრების განცხადებებს, რომლებიც ფიქრობენ, რომ საფრანგეთის პარლამენტის მიერ მიღებული რეზოლუცია სალომე ზურაბიშვილის შედგენილია. 

გამახალისა იმ ფაქტმა, რომ "ოცნება" თვლის, რომ მე ჩავდივრ საფრანგეთში, ნახევარი დღე იქ ვარ და საღამოსვე უკვე დავწერე და მივაღებინე.  ჩემი რაიმე ჩარევა არ სჭირდებათ იმისთვის, რომ სანქციები ან მიიღონ არ წარადგინონ და ა.შ. 

მე იმისთვის დავდივარ საზღვარგარეთ, რომ დავრწმუნდე და ისინიც დავარწმუნო იმაში, რომ როგორც კი ჩვენი დრო დადგება - ესე იგი, ჩვენ შევცვლით ამ არაპროევროპულ, პრორუსულ რეჟიმს ნორმალური რეჟიმით - რომ ჩვენი გზა ევროპისკენ ძალიან სწრაფად და თანმიმდევრულად აღდგება;

როცა საფრანგეთი იღებს რეზოლუციას, ეს არ არის ჩემი დაწერილი. როცა ბრიუსელი იღებს რარაც გადაწყვეტილებას, ეს არ არის ვიღაცის შთაგონებული.ეს არის პასუხი "ოცნების" გადაწყვეტილებებზე, ივანიშვილის ქმედებებზე", - განაცხადა ზურაბიშვილმა. 

საფრანგეთის ეროვნულმა ასამბლეამ "ქართული ოცნების" წინააღმდეგ რეზოლუცია დაამტკიცა - რეზოლუციას მხარი 68 დეპუტატმა დაუჭირა და 28 კი წინააღმდეგი იყო.  დოკუმენტის ავტორი, რომელიც საფრანგეთის მთავრობას მოუწოდებს, თავის პარტნიორებთან ერთად ევროკავშირში, განიხილოს ინდივიდუალური სანქციების დაწესება "ქართული ოცნების" წევრებისთვის, საფრანგეთის პრეზიდენტ ემანუელ მაკრონის გუნდის წევრი კონსტანს ლე გრიპია.  

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს