დიდი ბრიტანეთის მთავრობა იკვლევს „თავდაცვის ბანკის“ შექმნის შესაძლებლობას, რათა დაეხმაროს ჩრდილოეთ ევროპელ მოკავშირეებს გადაიარაღების დაჩქარებაში. The Telegraph-ის ცნობით, ეს სქემა შეიძლება შეიქმნას ევროკავშირის ერთობლივი საექსპედიციო ძალების (JEF) ინსტრუმენტის მოდელით, რომელიც იარაღის შესყიდვების დაფინანსებას ემსახურება.

JEF (ერთობლივი საექსპედიციო ძალების) ბანკი საშუალებას მისცემს ნატოს ათი ჩრდილოეთ ევროპის წევრი ქვეყნის ალიანსს, დააფინანსოს თავდაცვის პროექტები უფრო იაფი სესხების მეშვეობით. დიდი ბრიტანეთის გარდა, JEF მოიცავს ნორვეგიას, ფინეთს, შვედეთს, ესტონეთს, ლატვიას, ლიეტუვას, დანიას, ისლანდიას და ნიდერლანდებს.

გასულ თვეში, ალიანსის სამი ქვეყანა - დიდი ბრიტანეთი, ფინეთი და ნიდერლანდები - შეთანხმდნენ ახალ მექანიზმზე მუშაობის დაწყებაზე. ის შეიძლება გამოყენებულ იქნას მრავალმხრივი თავდაცვის პროგრამების დასაფინანსებლად, სამრეწველო წარმოების გასაძლიერებლად, იარაღის შესყიდვებისა და უკრაინისთვის სამხედრო დახმარებისთვის. დისკუსიებთან ახლოს მყოფი წყაროს ცნობით, მოლაპარაკებები ჯერ კიდევ წინასწარია. ოფიციალური განცხადება შეიძლება გაკეთდეს ივლისის დასაწყისამდე, როდესაც ნატოს ლიდერები ანკარაში ალიანსის ყოველწლიურ სამიტზე შეიკრიბებიან.

თავად დიდი ბრიტანეთი ცდილობს 17.6 მილიარდი ფუნტის მოძიებას, რათა 2029-2030 წლებისთვის თავდაცვის ხარჯები მშპ-ს 3%-მდე გაზარდოს. გასულ კვირას გაზეთმა გაავრცელა ინფორმაცია, რომ ფინანსთა მინისტრი რეიჩელ რივზი განიხილავს „საომარი ობლიგაციების“ გამოშვებას ოჯახებისა და ფინანსური ინსტიტუტებისთვის საჭირო თანხების მოსაზიდად. თუ ეს სქემა გაფართოვდება JEF-ის სხვა მოკავშირეებზე, სესხის აღების ხარჯები შეიძლება შემცირდეს: ერთად, ბლოკის ქვეყნებს, სავარაუდოდ, შეუძლიათ დაეყრდნონ AAA-ს მაღალ საკრედიტო რეიტინგს. დაგეგმილია, რომ მოზიდული თანხები გამოყენებული იქნას ერთობლივი პროექტებისთვის, რათა შეაკავონ რუსული საფრთხე არქტიკაში, ჩრდილო ატლანტიკასა და ბალტიისპირეთის რეგიონებში.

ამ კვირაში მოკავშირეები უკვე შეთანხმდნენ, რომ გააძლიერონ თავიანთი საზღვაო ყოფნა ამ ტერიტორიებზე რუსეთის ქმედებების საპასუხოდ. დიდი ბრიტანეთი მიიჩნევს, რომ ალიანსი უნდა გადაიქცეს მუდმივ ერთობლივ ძალად, რომელიც მზად იქნება საბრძოლო მოქმედებებისთვის მოსკოვის მხრიდან საფრთხის შემთხვევაში. დიდი ბრიტანეთის მთავრობის წარმომადგენელმა განაცხადა: „ჩვენ დავამტკიცეთ 270 მილიარდი ფუნტის ინვესტიცია თავდაცვის სფეროში ამ საპარლამენტო ვადის განმავლობაში, რათა უზრუნველვყოთ, რომ დიდი ბრიტანეთი მზად იქნება უპასუხოს მზარდ საფრთხეებს - ეს არის ყველაზე დიდი ზრდა ცივი ომის შემდეგ“.

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა