ნავთობისა და გაზის კორპორაციაში გაცემული დაუსაბუთებელი პრემიების საქმეს პროკურატურა იძიებს.

მუდმივმოქმედი აუდიტის ჯგუფის სხდომაზე სახელმწიფო აუდიტის სამსახურის საერთო დანიშნულების სახელმწიფო მომსახურების სფეროს აუდიტის დეპარტამენტის უფროსმა გიორგი კეკელიშვილმა სს „საქართველოს ნავთობისა და გაზის კორპორაციის" მიერ 2022-2023 წლებში განხორციელებული საფინანსო-ეკონომიკური საქმიანობის მოქმედ კანონმდებლობასთან შესაბამისობის აუდიტის ანგარიში წარადგინა.

მისი თქმით, აუდიტის შედეგად გამოვლენილი მიგნებები უკავშირდება: პარტნიორთან შეთანხმებამდე გაწეულ ხარჯებს, ინვენტარიზაციის პროცესის ნაკლოვანებებს, თანამშრომელთა ნამუშევარი დროის კონტროლს, პრემიების დასაბუთებასთან დაკავშირებულ ნაკლოვანებებს და ქვეყნის გარეთ მივლინებასთან დაკავშირებული დოკუმენტირების ხარვეზებს.

როგორც გიორგი კეკელიშვილმა განაცხადა, სს „საქართველოს ნავთობისა და გაზის კორპორაციის" მიმართ 11 რეკომენდაცია გაიცა, საიდანაც 9 რეკომენდაცია უკვე შესრულდა, ხოლო ორს მიმდინარე სტატუსი აქვს.

 "არის კონკრეტული კითხვის ნიშნები გადახარჯვასთან და მსგავს საკითხებთან დაკავშირებით. ჩვენ დავინტერესდით რა სტატუსია ამ საკითხთან დაკავშირებით. დღეის მდგომარეობით, ყველაფრის გამოსწორება მიმდინარეობს, თუმცა კონკრეტული კითხვები, რომლებიც არებობს, იმ კითხვებით უკვე დაინტერესებულია პროკურატურა და დაწყებულია გამოძიება" [ტვ პირველი] | განაცხადა ოცნების დეპუტატმა ლევან მაჭავარიანმა

სახელმწიფო აუდიტის სამსახურის დასკვნიდან ცნობილი ხდება, რომ საქართველოს ნავთობისა და გაზის კორპორაციის მიერ 2022-2023 წლებში 7 184 584 ლარის ოდენობით გაცემული პრემია სათანადოდ არ არის დასაბუთებული. ამ პერიოდში ნავთობისა და გაზის კორპორაციას გიორგი ჩიქოვანი ხელმძღვანელობდა. ის გასული წლის ივნისში გათავისუფლდა თანამდებობიდან.

ავტორი: ექსპრესნიუსი,

სოციალური ქსელები

მეუფე ზენონი: ეკლესიის პასუხისმგებლობაა, შეახსენოს ყველას, ძალაუფლება არ დგას კანონზე მაღლა

„ისინი არასტაბილურ მდგომარეობაში არიან.“ ესტონეთმა რუსეთთან მოლაპარაკებების შეწყვეტისკენ მოუწოდა

უკრაინაში რუსეთის დანაშაულებზე სპეციალური ტრიბუნალი ჰააგაში განთავსდება

ივანიშვილის რეჟიმმა, 8 თვის ორსული უკრაინელი ჟურნალისტი საქართველოში არ შემოუშვა