„პარტია „ლელო - ძლიერი საქართველო“ მზადაა, გამონაკლისის გარეშე ყველა არჩევნებში მიიღოს მონაწილეობა“, - განაცხადა ოპოზიციური პარტიის გენერალურმა მდივანმა ირაკლი კუპრაძემ პრესკონფერენციაზე, საქართველოს მეხუთე პრეზიდენტის განცხადების კომენტირებისას. მანამდე სალომე ზურაბიშვილმა განაცხადა, რომ მისი აზრით, „ქართული ოცნების წასვლა არჩევნების გზით შეიძლება“. „ლელო - ძლიერი საქართველო ყოველთვის თანმიმდევრული და სახელმწიფოებრივად ორიენტირებული იყო თავის სტრატეგიულ გადაწყვეტილებებში. ჩვენ ყოველთვის ვამბობთ, რომ არჩევნები არის ხელისუფლების შეცვლის ერთადერთი სწორი და მშვიდობიანი გზა.

ივანიშვილის მთავრობის სახლში გასაგზავნად, ლელო მზადაა გამონაკლისის გარეშე მონაწილეობა მიიღოს ყველა არჩევნებში.

ბოლო წლებში ოპოზიციის ნაწილის მხრიდან სკეპტიციზმმა, ბოიკოტმა და საარჩევნო ნიჰილიზმმა ძირი გამოუთხარა არჩევნების იდეას და ამას მომავალში სერიოზული შედეგები მოჰყვება. კარგია, რომ ოპოზიციის ნაწილის მიერ დემონსტრირებული ეს შეუსაბამობა იცვლება. ჩვენ ამას მივესალმებით. ოპოზიცია უნდა დაუბრუნდეს სწორ სტრატეგიულ ბრძოლას, რათა პოლიტიკაში მოქალაქეების ინტერესები ასახოს და ივანაიშვილი რაც შეიძლება სწრაფად ჩამოაშოროს ხელისუფლებიდან.

ამ ბრძოლაში ლელო იქნება მთავარი ავანგარდული ძალა, რომელიც მნიშვნელოვან წვლილს შეიტანს ივანაიშვილის ხელისუფლებიდან ჩამოშორებაში“, - განაცხადა კუპრაძემ.

შეგახსენებთ, რომ საქართველოს მეხუთე პრეზიდენტმა, სალომე ზურაბიშვილმა, განაცხადა, რომ სჯერა არჩევნების და სურს, რომ „ქართული ოცნება“ არჩევნების გზით წავიდეს.

„ეს ქვეყნისთვის სტაბილური და მშვიდობიანი გზაა“, - განაცხადა სალომე ზურაბიშვილმა სოციალურ ქსელში გამოქვეყნებულ ვიდეომიმართვაში.

ავტორი: ექსპრესნიუსი,

სოციალური ქსელები

ომი ისრაელს 140 მილიარდი დოლარი დაუჯდა - The Marker

შავ ზღვაში რუსული ნავთობის გადამზიდავ ბერძნულ ტანკერს თავს დაესხნენ - Bloomberg

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს